खासदारकी रद्द झाल्यानंतर राहुल गांधी यांनी आज पाहिल्यांदाच माध्यमांशी संवाद साधला. पत्रकारांच्या विविध प्रश्नांना उत्तर देत त्यांनी मोदी सरकारवर जोरदार टीकास्र सोडलं. तसेच अदाणी आणि मोदींच्या संबंधांवर प्रश्न विचारल्यानेच माझ्याविरोधात कारवाई करण्यात आली, असा थेट आरोपही त्यांनी यावेळी केला. दरम्यान, वारंवार एकच प्रश्न विचारल्याने त्यांनी एका पत्रकारालाही सुनावल्याचं बघायला मिळालं.

हेही वाचा – “माझं नाव सावरकर नाही, गांधी आहे; मी माफी मागणार नाही”, राहुल गांधींचं भाजपाला प्रत्युत्तर

Union Minister Nitin Gadkari Goa Speech
नितीन गडकरी यांनी टोचले भाजपा नेत्यांचे कान,”चांगले दिवस आले की आपण जुन्या काळातला संघर्ष…”
mamata banerjee on samvidhaan hatya diwas
संविधान हत्या दिन: अमित शाहांच्या घोषणेबाबत प्रश्न विचारताच ममता बॅनर्जी काही क्षण थांबल्या, नंतर म्हणाल्या…
Thackeray group unannounced boycott of work Protest against the suspension of Ambadas Danve
ठाकरे गटाचा कामकाजावर अघोषित बहिष्कार; अंबादास दानवे यांच्या निलंबनाचा निषेध
Rahul Gandhi displeasure as some comments in the speech were removed from the minutes
जे बोललो ते सत्यच! भाषणातील काही टिप्पण्या इतिवृत्तातून काढून टाकल्याने राहुल गांधी यांची नाराजी
Pankaja Munde
विधान परिषदेची उमेदवारी मिळाल्यानंतर पंकजा मुंडेंची पहिली प्रतिक्रिया; म्हणाल्या, “मला शल्य…”
maharashtra assembly monsoon session starts today
गोंधळाची चाहूल; विद्यामान विधानसभेचे अखेरचे अधिवेशन आजपासून
ambernath city bjp president sujata bhoir marathi news
पदवीधर निवडणुकीत मतदानानंतर मतपत्रिकेसह सेल्फी; भाजप महिला शहर अध्यक्षांचा प्रताप, छायाचित्र व्हायरल
rahul gandhi
दिल्लीत ‘अटीतटीचं’ राजकारण! “लोकसभा अध्यक्षपदासाठी एनडीएला पाठिंबा देऊ पण…”; राहुल गांधींचं वक्तव्य

नेमकं काय घडलं?

आज दिल्लीतील काँग्रेस मुख्यालयात झालेल्या पत्रकार परिषेदेत राहुल गांधींनी अदाणींच्या मुद्द्यावरून मोदी सरकावर जोरदार टीका केली. दरम्यान, यावेळी तीन पत्रकारांनी त्यांना ओबीसींची माफी मागण्यासंदर्भात आणि भाजपाच्या आंदोलनाबाबत प्रश्न विचारला. त्यानंतर राहुल गांधी यांनी थेट पत्रकाराचे कान टोचत तुम्ही भाजपासाठी काम करता का? असा प्रतिप्रश्न केला.

ते म्हणाले, तुम्ही तीन वेळा मला एकच प्रश्न विचारला. तुम्ही भाजपासाठी काम करता का? प्रश्नच विचारायचा असेल किमान फिरवून विचारा. जर तुम्हाला भाजपासाठी काम करायचं असेल तर छातीवर भाजपाचा लोगो लाऊन फिरा. त्यानंतर मी तुम्हाला तुमच्या प्रश्नांची उत्तरं देईन. तुम्ही पत्रकार असल्याचा दिखावा करू नका. तसेच यावेळी शांत झालेल्या पत्रकाराला ‘क्यू हवा निकल गई क्या?’ असं म्हणत टोलाही लगावला.

हेही वाचा – Video: अदाणींच्या कंपनीत गुंतवलेले २० हजार कोटी कुणाचे? राहुल गांधींचा परखड सवाल, नेमका रोख कुणाकडे?

दरम्यान, यावेळी राहुल गांधी यांनी भाजपाच्या आरोपांनाही प्रत्युत्तर दिलं. राहुल गांधी यांनी मोदींना चोर म्हणून ओबीसींचा अपमान केला, असा आरोप भाजपाकडून करण्यात आला होता. याबाबत बोलताना ते म्हणाले, मी भारत जोडो यात्रेदरम्यान सर्व समाज घटकांना सोबत घेऊन चाललो. माझ्या यात्रेत सर्वच समाजाचे लोक सहभागी झाले होते. मुळात हा ओबीसीचा विषयच नाही. हा अदाणी आणि मोदींच्या संबंधाचा विषय आहे. ओबीसींना पुढे करत भाजपा मुद्दा भरकटवण्याचा प्रयत्न करत आहे, पण त्यांनी कितीही आरोप केले, तरी मी त्यांना प्रश्न विचारणं बंद करणार नाही.