धक्कादायक! रेल्वे पँट्रीत पायाने बटाटे तुडवतानाचा व्हिडिओ व्हायरल

एक व्यक्ती मोठ्या टोपातील बटाटे पायाने तुडवताना या व्हिडिओमध्ये पाहायला मिळत आहे. एका प्रवाशाने त्याच्या मोबाईलमध्ये हा व्हिडिओ शूट केला आहे. रेल्वे मंत्री पियूष गोयल यांच्या ट्विटर अकाऊंटवर हा व्हिडिओ पोस्ट करत रेल्वेतील निकृष्ट दर्जाच्या जेवणाबद्दल तक्रारही करण्यात आली आहे. त्याचप्रमाणे संबंधित व्यक्तींवर कारवाई करण्याचीही मागणी करण्यात आली आहे.

अशाप्रकारच्या घटना समोर आल्याची ही काही पहिलीच घटना नाही. याआधीही एक्स्प्रेसमध्ये दिल्या जाणा-या जेवणात कधी झूरळ तर कधी पाल आढळल्याच्या धक्कादायक घटना समोर आल्या होत्या. तर वेळोवेळी रेल्वेतील जेवणाच्या निकृष्ट दर्जाबाबत तक्रारी दाखल करण्यात आल्या आहेत.