काबूल : अफगाणिस्तानात तालिबानने काबूल येथील राजप्रासादावर हल्ले केले असून इद अल अधाच्या पार्श्वभूमीवर अध्यक्ष अशरफ घनी यांचे देशाला उद्देशून भाषण होण्याच्या आधीच हे हल्ले करण्यात आले. एकूण तीन अग्निबाण काबूलमधील राजप्रासादावर मंगळवारी डागण्यात आले. त्याचा घनी यांनी निषेध केला असून तालिबानवर कडवट शब्दात टीका केली आहे. अंतर्गत सुरक्षामंत्री मिरवैझ स्टॅनीकाझी यांनी सांगितले की, अग्निबाण हल्ल्यात कुणीही जखमी झाले नसून हे अग्निबाण अतिसुरक्षित राजप्रासादांच्या परिसरात पडले आहेत. अजून कुणीही या हल्ल्यांची जबाबदारी घेतली नसली, तरी बंदोबस्त वाढवण्यात आला आहे. जवळच्या रस्त्यावरील एका मोटारीचे नुकसान झाले आहे.
