scorecardresearch

द्वेषपूर्ण भाषण प्रकरण; वसीम रिझवी उर्फ ​​जितेंद्र त्यागीला जामीन मंजूर, वैद्यकीय आधारावर तीन महिन्यांचा जामीन

वसीम रिझवी उर्फ ​​जितेंद्र त्यागी यांनी गेल्या डिसेंबरमध्ये इस्लाम धर्म सोडून हिंदू धर्म स्वीकारला होता. त्यावेळी त्यांना नवीन हिंदू नाव देण्यात आले होते.

वसीम रिझवी उर्फ ​​जितेंद्र त्यागीला डेहराडून द्वेषपूर्ण भाषण प्रकरणी जामीन मिळाला आहे. १३ जानेवारी रोजी उत्तराखंड पोलिसांनी हरिद्वार येथे त्यागीला अटक केली होती. १७ ते १९ डिसेंबर दरम्यान झालेल्या धर्मसंसदेच्या मेळाव्यात द्वेषपूर्ण भाषण केल्यामुळे त्यांना अटक करण्यात आली होती.

१३ जानेवारी रोजी अटक
त्यागी आणि इतरांविरुद्ध ज्वालापूर हरिद्वार येथील रहिवासी नदीम अली यांच्या तक्रारीवरून २ जानेवारी २०२२ रोजी गुन्हा दाखल करण्यात आला होता. त्यांना कलम १५३A (धर्म, वंश, स्थानाच्या आधारावर विविध गटांमध्ये शत्रुत्व वाढवणे) अंतर्गत १३ जानेवारी रोजी अटक करण्यात आली होती. भारतीय दंड संहिता (IPC)) आणि २९८ (कोणत्याही व्यक्तीच्या धार्मिक भावना दुखावण्याच्या हेतूने शब्द उच्चारणे) अंतर्गत गुन्हा दाखल करण्यात आला होता.

जामीन याचिकेवर राज्य सरकारचा जबाब
मागील सुनावणीच्या तारखेला सुप्रीम कोर्टाने त्याच्या जामीन याचिकेवर राज्य सरकारचा जबाब मागवला होता. मंगळवारी, राज्याने न्यायालयाला सांगितले, की जातीय सलोखा कोणत्याही परिस्थितीत राखला गेला पाहिजे आणि त्यागी यांनी कोणतीही चिथावणीखोर विधाने न करण्याची अट घातली आहे.

इस्लाम धर्म सोडून हिंदू धर्म स्वीकारला
वसीम रिझवी उर्फ ​​जितेंद्र त्यागी यांनी गेल्या डिसेंबरमध्ये इस्लाम धर्म सोडून हिंदू धर्म स्वीकारला होता. त्यावेळी त्यांना नवीन हिंदू नाव देण्यात आले होते.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sc grants interim bail for three months to accused jitendra narayan tyagi alias waseem rizvi in hate speech case dpj