गुलाम अलींच्या कार्यक्रमाला विरोध करणारे शिवसैनिक पोलिसांच्या ताब्यात

कार्यक्रमाच्या ठिकाणी शिवसैनिकांच्या गटाने गुलाम अलींच्या विरोधात घोषणाबाजी करत मोर्चा काढला

मोरारी बापू संघटनेच्या वतीने गुलाम अली यांना पुरस्कार वितरण सोहळा गुजरातच्या भावनगरमधील महुवा येथे आयोजित करण्यात आला होता.

गुजरातमधील भावनगर जिल्ह्यात आयोजित करण्यात आलेल्या ज्येष्ठ गझलगायक गुलाम अली यांच्या कार्यक्रमाला विरोध करणाऱया शिवसैनिकांना स्थानिक पोलिसांनी ताब्यात घेतले आहे.
मोरारी बापू संघटनेच्या वतीने गुलाम अली यांना पुरस्कार वितरण सोहळा गुजरातच्या भावनगरमधील महुवा येथे आयोजित करण्यात आला होता. कार्यक्रमाच्या ठिकाणी शिवसैनिकांच्या गटाने गुलाम अलींच्या विरोधात घोषणाबाजी करत मोर्चा काढला. याप्रकरणी पोलिसांनी कार्यक्रमस्थळावरून दहा शिवसैनिकांना ताब्यात घेतले.
कार्यक्रमाच्या ठिकाणी घोषणाबाजी आणि परिस्थिती नियंत्रणाबाहेर जात असल्याचे लक्षात आल्याने शुक्रवारी सकाळी अकराच्या सुमारास दहा जणांना ताब्यात घेण्यात आले होते. कार्यक्रम सुरळीत पार पडल्यानंतर दीड वाजता त्यांना सोडण्यात आले, असे महुवा पोलीस ठाण्याचे अधिकारी वनराज मांजरिया यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Shiv sainiks detained for protesting against ghulam ali bhavnagar visit

Next Story
बराक ओबामा यांची रोम्नींवर टीका
ताज्या बातम्या