जम्मू काश्मीरमध्ये दहशतवादी आणि भारतीय लष्करामध्ये चकमक सुरू आहे. बारामुल्लामध्ये सुरू असलेल्या या चकमकीत एका दहशतवाद्याला कंठस्नान घालण्यात भारतीय जवानांना यश आले आहे. रात्री तीन वाजल्यापासून बारामुल्लामध्ये चकमक सुरू आहे. बारामुल्लामधील हरितार तारझो भागात दोन दहशतवादी लपून बसल्याचा संशय लष्कराच्या जवानांना आहे. भारतीय सैन्याकडून लपून बसलेल्या दहशतवाद्यांचा शोध सुरू आहे.
