गुजरातमध्ये महापालिका निवडणुकांचे निकाल जाहीर होत असून तिथल्या मतदारांनी पुन्हा एकदा भाजपावर विश्वास दाखवला आहे. गुजरात महापालिका निवडणूक निकालानंतर पंतप्रधान नरेंद्र मोदींनी सुद्धा खास टि्वट करुन मतदारांचे आभार मानले आहेत. Thank you Gujarat! Results of municipal elections across the state clearly show the unwavering faith people have towards politics of development and good governance. Grateful to the people of the state for trusting BJP yet again. Always an honour to serve Gujarat. — Narendra Modi (@narendramodi) February 23, 2021 "गुजरात महापालिका निवडणूक निकालातून लोकांचा सुशासन आणि विकासाच्या राजकारणावर विश्वास असल्याचे दिसून येते. भाजपावर पुन्हा एकदा विश्वास दाखवल्याबद्दल राज्यातल्या जनतेचा आभारी आहे. गुजरातची सेवा करणं ही नेहमीच सन्मानाची बाब आहे" असं मोदींनी आपल्या टि्वटमध्ये म्हटलं आहे. I would like to appreciate the efforts of each and every Karyakarta of @BJP4Gujarat, who reached out to people and elaborated on our Party’s vision for the state. The Gujarat government’s pro-people policies have positively impacted the entire state. — Narendra Modi (@narendramodi) February 23, 2021 "गुजरात भाजपाच्या प्रत्येक कार्यकर्त्याने जे कष्ट घेतले, त्या बद्दल मी त्यांचे कौतुक करतो. कार्यकर्ते लोकांपर्यंत पोहोचले व पक्षाचे व्हिजन त्यांनी लोकांना समजावून सांगितले. गुजरात सरकारची जी लोकाभिमुख धोरणे आहे, त्याचा संपूर्ण राज्यावर सकारात्मक परिणाम दिसून आला" असे मोदींनी म्हटले आहे. Today’s win across Gujarat is very special. For a party that is serving in a state for over two decades to record such a phenomenal win is noteworthy. It is heartening to see widespread support from all sections of society, particularly the youth of Gujarat towards BJP. — Narendra Modi (@narendramodi) February 23, 2021 मागच्या दोन दशकांपासून गुजरातमध्ये भाजपाचे सरकार आहे. त्यामुळे आज संपूर्ण गुजरातमध्ये मिळालेला विजय खास आहे. समाजातील सर्व घटकांकडून खासकरुन गुजरातमधल्या युवावर्गाकडून भाजपाला पाठिंबा मिळत असल्याबद्दल मोदींनी आनंद व्यक्त केला.
