तुरुंगवासाची शिक्षा लांबणीवर टाकण्याची तसेच जामीन देण्याची विनंती गोल्डमन सॅखचे माजी संचालक रजत गुप्ता यांनी केली आहे. येथील न्यायालय ४ डिसेंबरला त्यांच्या विनंती अर्जावर विचार करणार आहे. प्रतिस्पर्धी कंपनीला गोपनीय माहिती देण्याच्या (इनसाइड ट्रेडिंग) आरोपावरून दोषी ठरलेल्या गुप्ता (६३) यांना फर्मावण्यात आलेल्या दोन वर्षांच्या तुरुंगवासाच्या शिक्षेची सुरुवात ८ जानेवारी २०१३ पासून होणार आहे. सरकारी वकिलांनी त्यांच्या विनंती अर्जाला आक्षेप घेतला असून, गुप्ता यांना जामिनावर सोडल्यास ते भारतात पलायन करण्याची शक्यता असल्याचा युक्तिवाद केला आहे.