प्रसारमाध्यमांना उद्देशून ‘प्रेस्टिटय़ूट’ अशा शब्द वापरल्याबद्दल परराष्ट्र राज्यमंत्री व्ही. के. सिंग यांनी पत्रकारांची माफी मागितली आहे. पण १० टक्के पत्रकारांना आपले शब्द लागू पडतात, अशी पुस्तीही त्यांनी जोडली. येमेनमध्ये अडकलेल्या भारतीयांची सुटका करण्यापेक्षा पाकिस्तानी वकिलातीला भेट देणे जास्त सनसनाटी आहे असे सिंग यांनी उपरोधाने म्हटले होते. त्याचा विपर्यास करून वार्ताकन करणाऱ्या प्रसारमाध्यमांना उद्देशून सिंग यांनी ‘प्रेस्टिटय़ूट’ असा शब्द वापरला होता. त्याबद्दल तीव्र प्रतिक्रिया उमटल्या होत्या.
