scorecardresearch

Premium

अफजल गुरूचा फोटो वापरून गुरुपतवंतसिंग पन्नूने दिली भारताला धमकी; म्हणाला, “संसदेच्या…”

संसदेचे हिवाळी अधिवेशन सोमवारपासून सुरू झाले आहे. २२ डिसेंबरपर्यंत हे अधिवेशन असणार आहे. त्यामुळे पन्नूने दिलेल्या धमकीवरून सुरक्षा व्यवस्था वाढवण्यात आली आहे.

Afzal Guru
गुरपतवंत सिंग पन्नूने जारी केला व्हिडीओ (संग्रहित छायाचित्र)

खलिस्तानी दहशतवादी गुरपतवंत सिंग पन्नू याने एक नवा व्हिडीओ प्रदर्शित करत १३ डिसेंबर किंवा त्याआधी भारतीय संसदेच्या मूल तत्वांनाच धक्का पोहोचवणार असल्याचा इशारा दिला आहे. १३ डिसेंबर २००१ रोजी दहशतवादी हल्ला झाला होता. त्यापार्श्वभूमीवर गुरपतवंत सिंग पन्नूनने दिलेली धमकी गांभीर्याने घेण्यात आली आहे.

गुरपतवंत सिंग पन्नून याच्या हत्येचा प्रयत्न भारतीय अधिकाऱ्यांकडून करण्यात आल्याचा दावा अमेरिकेने केला आहे. या पार्श्वभूमीवर अफजल गुरूचा फोटो घेऊन दिल्ली बनेगा खलिस्तान अशा कॅप्शनचा व्हिडीओ गुरपतवंत सिंग पन्नूने शेअर केलाय. २००१ साली भारतीय संसदेवर अफजल गुरू याने दहशतवादी हल्ला घडवला होता. त्याला २०१३ साली फाशीची शिक्षा सुनावण्यात आली. यामध्ये भारतीय संसदेचे तत्त्वे नेस्तनाबूत करू, असं पन्नू म्हणाला आहे.

Union Budget 2024 no tax on salary up to 8 lakhs
८ लाखांपर्यंतच्या पगारावर कोणताही कर लागणार नाही का? बजेटमध्ये मिळू शकते आनंदाची बातमी!
Application by Foreign Creditors for Bankruptcy of Byju to Bangalore Bench of National Company Law Tribunal print economic news
परकीय देणेकऱ्यांकडून ‘बायजू’च्या दिवाळखोरीसाठी अर्ज; राष्ट्रीय कंपनी कायदा न्यायाधिकरणाच्या बंगळूरु खंडपीठाकडे धाव
13 Notice to central government on doctor plea
१३ डॉक्टरांच्या याचिकेवर केंद्र सरकारला नोटीस
20 vacant air India buildings demolished by airport administration despite residents oppose
एअर इंडियाच्या रिकाम्या वीस इमारती पाडल्या; रहिवाशांचा विरोध असतानाही विमानतळ प्रशासनाकडून पाडकाम

हेही वाचा >> खलिस्तानवादी पन्नूच्या हत्येचा कट अमेरिकेने उधळला; भारताला जूनमध्ये इशारा देण्यात आल्याचा दावा

संसदेचे हिवाळी अधिवेशन सोमवारपासून सुरू झाले आहे. २२ डिसेंबरपर्यंत हे अधिवेशन असणार आहे. त्यामुळे पन्नूने दिलेल्या धमकीवरून सुरक्षा व्यवस्था वाढवण्यात आली आहे. सुरक्षा यंत्रणा हाय अलर्टवर आहेत. भारतविरोधी कारवायांसाठी पन्नूनला पाकिस्तानी गुप्तचर यंत्रणा ISI च्या काश्मीर खलिस्तानी (K-2) विभागाने आदेश दिले असल्याचं वृत्त इंडिया टुडेने सुत्रांच्या हवाल्याने दिलं आहे.

दरम्यान, २२ नोव्हेंबरच्या फायनान्शिअल टाईम्सच्या वृत्तानुसार, खलिस्तानी फुटीरतावादी गुरपतवंतसिंग पन्नूच्या हत्या करण्याचा कट अमेरिकेने हाणून पाडला. या कटात सहभागाबद्दल अमेरिकेने भारताला इशारा दिला होता.कॅनडामध्ये खलिस्तानवादी हरदीपसिंग निज्जरच्या हत्येत भारतीय हस्तकांचा हात असल्याची शक्यता कॅनडाचे पंतप्रधान जस्टिन ट्रुडो यांनी केल्याच्या पार्श्वभूमीवर पन्नू प्रकरणामुळे नवा वादंग निर्माण होण्याचे संकेत आहेत.

कोण आहे पन्नू?

पन्नूकडे अमेरिका आणि कॅनडाचे दुहेरी नागरिकत्व आहे. पन्नू हा खलिस्तान समर्थक फुटीरतावादी गट ‘शिख फॉर जस्टिस’चा म्होरक्या आहे. भारतीय दूतावासातील कर्मचाऱ्यांना तो सातत्याने धमक्या देत असतो. त्याने अलीकडे कॅनडाच्या नागरिकांना ‘एअर इंडिया’च्या विमानांनी प्रवास न करण्याचा इशारा दिला होता. त्यासाठी त्याने खलिस्तानी दहशतवाद्यांनी भारताच्या ‘कनिष्क’ विमानात घडवलेल्या बॉम्बस्फोटाची आठवण करून दिली होती. या दुर्घटनेत तीनशेहून अधिक प्रवासी मृत्युमुखी पडले होते. त्यातील बहुसंख्य कॅनडाचे नागरिक होते.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Will attack parliament on or before dec 13 pannuns new threat over plot to kill him sgk

First published on: 06-12-2023 at 13:18 IST

संबंधित बातम्या

तुम्ही या बातम्या वाचल्या आहेत का? ×