मुलांसाठी खाऊ घ्यायला अजमेर स्टेशनवर उतरलेल्या महिलेवर बलात्कार | Loksatta

मुलांसाठी खाऊ घ्यायला अजमेर स्टेशनवर उतरलेल्या महिलेवर बलात्कार

टॉवेल गुंडाळून पोलीस स्टेशनमध्ये दाखल झाली; आरोपीला पोलिसांनी पकडले

मुलांसाठी खाऊ घ्यायला अजमेर स्टेशनवर उतरलेल्या महिलेवर बलात्कार
( संग्रहित छायचित्र )

रेल्वेने भोपाळहून भिलवाडाला आपल्या दोन लहान मुलांसह निघालेल्या एका ३२ वर्षीय महिलेवर बलात्कार झाल्याची घटना घडली आहे. अजमेर स्थानकावर ही महिला मुलांसाठी खाऊ घ्यायला खाली उतरली होती, तेव्हा तिच्यावर बलात्कार झाला.

आरोपीची रवी उर्फ सनी (वय-२३), अशी ओळख झाली आहे, त्याने पीडित महिला पळून जाऊ नये म्हणून तिचे कपडे स्वत:च्या ताब्यात ठेवले होते. एका मोडकळीस आलेल्या घरात या महिलेवर त्याने बलात्कार केला. भगवान गंजचा रहिवासी असलेल्या रवीला गुरुवारी अटक करण्यात आली असून त्याला पोलीस कोठडी सुनावली आहे.

अजमेरमधील जीआरपीचे एसएचओ फूल चंद बटोलिया यांनी सांगितले की, भोपाळची रहिवासी असणारी पीडित महिला २७ सप्टेंबर रोजी टॉवेल गुंडाळून पोलीस स्टेशनमध्ये आली होती. एका पुरुषाने बलात्कार केल्याचे तिने सांगितले. याशिवाय आरोपीने तिच्या चार वर्षांच्या मुलीला बंदिस्त करून ठेवल्याचेही तिने तक्रारीत म्हटले.

याशिवाय पीडितेने पोलिसांना सांगितले की, रवीने तिचा पाठलाग सुरू केला आणि तिला एक रात्र राहण्यासाठी स्वस्त हॉटेल शोधून देण्याचे आश्वासन दिले. त्याने तिच्या नऊ वर्षांच्या मुलाला रेल्वे स्टेशनवर थांबण्यास भाग पाडले आणि तिला आणि तिच्या चार वर्षांच्या मुलीला कुंदन नगर येथील एका पडक्या घरात नेले व तेथे त्याने तिच्यावर बलात्कार केला. तिने हिंमतीने स्वत:ची सुटका करून तिथून पळ काढला आणि एक टॉवेल गुंडाळून ती तक्रार देण्यासाठी पोलीस स्टेशनमध्ये दाखल झाली. आम्ही आरोपीला अटक केली आहे व पुढील तपास सुरू आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
VIDEO: पंतप्रधान मोदींचा ताफा रस्त्यावरुन जात असतानाच आली रुग्णवाहिका, अन् त्यानंतर…

संबंधित बातम्या

“हातावर हात ठेऊन शांत बसणार नाही”, नोटाबंदीच्या निर्णयावर सुप्रीम कोर्ट म्हणाले…
विवेक अग्निहोत्रीने मागितली विनाअट माफी, मात्र, दिल्ली उच्च न्यायालय म्हणाले, “एवढं पुरेसं नाही, तर…”
राज्यात ३५ लोकसभा मतदारसंघांत भाजपचे बूथस्तरावर सशक्तीकरण; राष्ट्रीय पदाधिकाऱ्यांच्या बैठकीत आखणी
Himachal Pradesh Election 2022 : अपक्ष उमदेवार ठरणार ‘किंगमेकर’?, भाजपा-काँग्रेसमध्ये सत्तेसाठी अटीतटीची लढाई!
नोटाबंदी: लोकसभा अध्यक्षांवर खासदाराने फेकले कागद

व्हिडिओ

ताज्या बातम्या
नोटाबंदीबाबत मूकदर्शक बनणार नाही!; सर्वोच्च न्यायालयाने रिझव्‍‌र्ह बँकेला सुनावले
गोवर लसीकरण मोहीम दोन टप्प्यांत
Maharashtra Karnataka Border Dispute : महाराष्ट्र-कर्नाटक एसटी सेवा तूर्तास बंद; ६६० बस फेऱ्यांवर परिणाम
मुंबईतील हवा ‘अत्यंत वाईट’; धुरक्याच्या प्रमाणात वाढ
चार वर्षांचा पदवी अभ्यासक्रम नव्या शैक्षणिक वर्षांपासून; उच्च आणि तंत्रशिक्षण विभागाचे निर्देश