३० मे पासून इंग्लंडमध्ये विश्वचषक स्पर्धेला सुरुवात झाली आहे. विराट कोहलीच्या नेतृत्वाखाली भारतीय संघ ५ जूनरोजी दक्षिण आफ्रिकेविरुद्ध आपला पहिला सामना खेळणार आहे. या सामन्याआधी टीम इंडिया साऊदम्पटन शहरात कसून सराव करत आहे. या सरावातून वेळ काढत टीम इंडियाने जवळच्या परिसरातील पर्यटन स्थळाला भेट दिली आहे. बीसीसीआयने टीम इंडियाचे हे खास फोटो आपल्या सोशल मीडिया अकाऊंटवर शेअर केले आहेत.

कर्णधार विराट कोहलीनेही आपल्या ट्विटर अकाऊंटवरुन एक फोटो शेअर केला आहे.

स्पर्धेला सुरुवात होण्याआधी झालेल्या दोन सराव सामन्यांमध्ये भारताला एका सामन्यात विजय तर एका सामन्यात पराभवाचा सामना करावा लागला. त्यामुळे पहिल्या सामन्यात भारतीय संघ कशी कामगिरी करतो याकडे सर्वांचं लक्ष असणार आहे.