मांजरीच्या दुर्मीळ पाच जाती कोणत्या तुम्हाला ठाऊक आहे का? जाणून घ्या माहिती…

खरे तर, हळूहळू माणसांची लोकसंख्या प्रचंड वाढत गेली. मानवी क्रियाकलापांमुळे या मांजरींच्या प्रजातींना मागे ढकलले गेले आहे. या प्रत्येक प्रजातीमध्ये ४,००० पेक्षा कमी मांजरी जंगलात राहतात आणि त्यांचे निवासस्थान व अन्नस्रोत दररोज कमी कमी होत आहेत. त्यामुळे या सर्व दुर्मीळ मांजरींची लोकसंख्या आता दिवसेंदिवस कमी होत आहे.

मांजरीच्या दुर्मीळ जाती

हिम बिबट्या (स्नो लेपर्ड)

हिम बिबट्या ही प्रजाती हिम तेंदुए मध्य आशियातील पर्वतांमध्ये १०,९९० ते २२,००० फूट उंचीवर राहते. त्यांचे पंजे रुंद असतात. हे पंजे त्यांना बर्फावरून चालण्यास मदत करतात. त्यांच्या पंजाच्या तळाशी फर असते, ज्यामुळे त्यांना उंच, निसरड्या पृष्ठभागावर पकडण्यास मदत होते.

इबेरियन लिंक्स (लिंक्स परडीनस)

इबेरियन लिंक्स ही एकमेव मांजर प्रजाती आहे, जिला लुप्त मानले जाते. २००५ पर्यंत जंगलात फक्त १०० इबेरियन लिंक्स शिल्लक होते, ते दक्षिण स्पेनमधील २-३ वेगवेगळ्या भागांत राहतात. त्यांची प्रजाती नष्ट होण्याचे एक कारण म्हणजे त्यांच्या खाण्याच्या विशिष्ट सवयी आहेत आणि त्यामुळे इबेरियन लिंक्सदेखील कमी होत आहेत.

अँडीयन मांजर (अँडीयन कॅट)

अँडीयन मांजरी ही हिम बिबट्याच्या समतुल्य असलेली लहान मांजर आहे. ही प्रजाती ११,५०० ते १५,७०० फूट उंचीवर, जिथे त्यांना आधार देण्यासाठी पुरेसे पाणी आहे, तिथे राहते. त्यांचे वास्तव्य अर्जेंटिना, बोलिव्हिया, चिली व पेरूमधील अँडीज पर्वतांमध्ये आढळते त्यांचीही लोकसंख्येची घनता नैसर्गिकरीत्या कमी आहे.

बोर्नियो बे कॅट (पार्डोफेलिस बॅडिया)

बोर्नियो बे कॅट निशाचर व अतिशय गुप्त असतात आणि ही प्रजाती फक्त बोर्नियो बेटावर आढळते. हा एक पारंपरिक दुर्मीळ प्राणी आहे. त्यांच्या अगदी मूळ निवासस्थानांमध्येही मोठ्या प्रमाणावर जंगलतोड झाल्यामुळे त्यांची आधीच विरळ असलेली लोकसंख्या कमी होत असल्याचा अंदाज आहे.

हेही वाचा: ब्रह्मांडातील सर्वात मोठा तारा कोणता? जाणून घ्या…

ब्लॅक फुटेड कॅट

ब्लॅक फुटेड कॅट ही सर्वांत लहान ठिपके असलेली मांजर म्हणूनही ओळखली जाते. आफ्रिकन मांजरीच्या सर्व प्रजातींपैकी ही सर्वांत लहान प्रजाती आहे. ही प्रजाती दक्षिण आफ्रिकेच्या नैर्ऋत्य भागात आढळते. या लहान मांजरींचे वजन जास्तीत जास्त २.५ किलो असते. त्याच्या नावाप्रमाणेच या मांजरीच्या पायाची खालची बाजू काळ्या रंगाची आहे. पाठीमागून या मांजरीचा चेहरा घरगुती मांजरीसारखा दिसतो.