पाकिस्तानबद्दल सहानुभूती बाळगणाऱ्या नवज्योत सिंग सिद्धू यांना पंजाबचे मुख्यमंत्री अमरिंदर सिंग यांनी आज सुनावले. पाकिस्तानच्या लष्कर प्रमुखांना मारलेल्या मिठया भारतीयांना विशेष करुन सैनिकांना अजिबात आवडत नाहीत असे कॅप्टन अमरिंदर म्हणाले.

सिद्धू यांनी केलेला निवडणूक प्रचार आणि त्यांच्या पाकिस्तानविषयीच्या भूमिकेबद्दल विचारले असता अमरिंदर सिंग यांनी हे उत्तर दिले. गुरदासपूरमधून अभिनेता सनी देओल आघाडीवर असून काँग्रेस उमेदवार सुनील जाखर पिछाडीवर आहेत त्याबद्दलही त्यांनी खेद व्यक्त केला.

सुनील जाखर चांगले उमेदवार आहे. त्यांनी गुरदासपूरमध्ये भरपूर काम केले आहे. लोक अनुभवापेक्षा कलाकारांना कसे प्राधान्य देतात ते मला अजून समजलेले नाही असे कॅप्टन अमरिंदर म्हणाले.