News Flash

करोनामुळे तृणमूलच्या उमेदवाराचा मृत्यू; पत्नीकडून निवडणूक आयोगाच्या अधिकाऱ्यांविरोधात पोलीस तक्रार

ममता बॅनर्जी यांनीही या उमेदवाराच्या मृत्यूची बातमी वाचून धक्का बसल्याचं म्हटलंय

(सौजन्य: ट्विटर आणि पीटीआयवरुन साभार)

करोनाचा संसर्ग झाल्याने तृणमूल काँग्रेसचे पश्चिम बंगालमधील विधानसभा निवडणुकीतील उमेदावर काजल सिन्हा यांचा मृत्यू झालाय. या प्रकरणामध्ये काजल यांच्या पत्नी नंदिता यांनी बुधवारी निवडणूक आयोगाचे अधिकारी सुदीप जैन यांच्याबरोबरच निवडणुक आयोगातील इतर अधिकाऱ्यांविरोधात तक्रार दाखल केलीय. नंदिता यांनी निवडणुक अधिकाऱ्यांवर आरोप करताना करोना कालावधीमध्ये उमेदवार आणि सर्वसामान्य लोकांच्या सुरक्षेची काळजी घेण्यासंदर्भात आयोगाने काहीच उपाययोजना केल्या नव्हत्या असा आरोप नंदिता यांनी केल्याचे न्यूज १८ ने दिलेल्या वृत्तात म्हटलं आहे.

पश्चिम बंगालमधील खारदा विधानसभा मतदारसंघातून निवडणूक लढलेल्या काजल यांचा रविवारी (२५ एप्रिल २०२१ रोजी) मृत्यू झाला. काजल यांना करोनाचा संसर्ग झाला होता आणि उपचारादरम्यानच त्यांची प्राणज्योत मालवली. आतापर्यंत पश्चिम बंगालमध्ये करोनाचा संसर्ग झाल्याने एकूण तीन उमेदवारांचा मृत्यू झालाय. त्याचप्रमाणे पश्चिम बंगाल काँग्रेसचे अध्यक्ष अधीर रंजन चौधरी, तृणमूलचे उमेदवार मनोज तिवारी यांच्यासोबत सहा उमेदवारांना करोनाची लागण झाली आहे. काही काळापूर्वी तृणमूल काँग्रेसचे वरिष्ठ नेते डॉ. शशी पांजा आणि साधन पांडे यांनाही करोनाची लागण झाल्याची माहिती समोर येत आहे. मुख्यमंत्री ममता बॅनर्जी यांनीही काजल यांना श्रद्धांजली अर्पण केली असून काजल यांच्या मृत्यूचं वृत्त ऐकून धक्का बसल्याचं ट्विटमध्ये म्हटलं आहे.

मंगळवारी पश्चिम बंगालमध्ये सर्वाधिक म्हणजे १६ हजार ४०३ नवे करोना रुग्ण आढळून आलेत. राज्यातील करोनाबाधितांची संख्या सात लाख ७६ हजारांच्या पुढे गेली आहे. आरोग्य विभागाने जारी केलेल्या आकडेवारीनुसार मंगळवारी राज्यात ७३ जणांचा करोनामुळे मृत्यू झाला असून एकूण मृतांची संख्या ११ हजार ८२ वर पोहचलीय.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 28, 2021 7:19 pm

Web Title: kajal sinha wife filed case against election commission of india officers for husbands death due to covid 19 scsg 91
Next Stories
1 पश्चिम बंगाल : सहाव्या टप्प्यातील मतदानाला सुरुवात; मतदान केंद्रांबाहेर नागरिकांच्या लांबच लांब रांगा
2 ‘जय श्री राम’च्या घोषणा दिल्या नाहीत म्हणून भाजपा कार्यकर्त्याकडून १० वर्षीय मुलाला बेदम मारहाण
3 “हे असं, विकसित गुजरात असेल तर…”; करोना रुग्णालयातील व्हिडीओवरुन ममतांचा मोदी, शाहंना टोला
Just Now!
X