News Flash

मोदी मनमोहन सिंग यांची खिल्ली उडवायचे, पण आज देश त्यांची खिल्ली उडवत आहे – राहुल गांधी

'पंतप्रधानांना वाटतं की फक्त एकटा माणूस देश चालवू शकतो'

काँग्रेस अध्यक्ष राहुल गांधी यांनी पंतप्रधान नरेंद्र मोदींवर टीका करत आपली आश्वासनं न पाळल्याचा आरोप केला आहे. यावेळी राहुल गांधी यांनी मनमोहन सिंग यांच्या नेतृत्वातील युपीए सरकारवर टीका करणाऱ्या नरेंद्र मोदींची आज खिल्ली उडवली जात असल्याचं म्हटलं. ‘पंतप्रधान नरेंद्र मोदी मनमोहन सिंग यांची नेहमी खिल्ली उडवत असत पण आता पाच वर्षांनी ते अशा पद्धतीने खिल्ली उडवताना दिसत नाही. कारण आज देश त्यांची खिल्ली उडवत आहे. ‘, असं राहुल गांधींनी सांगितलं आहे. पंजाबमधील फरीदकोटमध्ये ते बोलत होते.

‘पंतप्रधानांना वाटतं की फक्त एकटा माणूस देश चालवू शकतो. पण असं नसून लोक देश चालवत असतात’, असा टोला राहुल गांधींनी लगावला. याआधी मंगळवारी बोलताना राहुल गांधी यांनी पंतप्रधान नरेंद्र मोदी आणि भाजपा नेते सतत नेहरु-गांधी कुटुंबावर टीका करत असताना आपण प्रत्यारोप करताना कधीही नरेंद्र मोदींच्या आई-वडिलांचा अपमान करणार नाही असं आश्वासन दिलं. आपण नरेंद्र मोदींचा प्रेमाने पराभव करु, पण कधीच त्यांच्या आई-वडिलांचा अपमान करणार नाही असं राहुल गांधींनी सांगितलं.

‘नरेंद्र मोदी फार द्वेषाने बोलतात. त्यांनी माझे वडील, आजी आणि आजोबांचा अपमान केला. पण मी आयुष्यात कधीही त्यांच्या कुटुंबावर, आई, वडिलांवर टिप्पणी करणार नाही. मृत्यू पत्करेन, पण त्यांच्या आई-वडिलांचा अपमान करणार नाही’, असं राहुल गांधी यांनी पीटीआयशी बोलताना सांगितलं होतं.

‘कारण मी आरएसएस किंवा भाजपाचा माणूस नाही, पण काँग्रेसचा आहे. त्यांच्या द्वेषाला मी प्रेमाने उत्तर देईन. गळाभेट घेत, प्रेमाने आम्ही नरेंद्र मोदींचा पराभव करु’, असं राहुल गांधींनी म्हटलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 15, 2019 6:41 pm

Web Title: narendra modi used to mock manmohan singh but today nation is mocking him says rahul gandhi
Next Stories
1 माफी नाही, खटला लढणार; प्रियंका शर्मा यांचा आक्रमक पवित्रा
2 भारताने बनवली सर्जिकल स्ट्राइक स्पेशल फोर्स, आर्मी, नेव्ही, एअर फोर्सचे कमांडो एकत्र
3 मोहरमची वेळ बदला, दुर्गा पुजेची नाही – योगी आदित्यनाथ
Just Now!
X