उद्धव ठाकरे यांनी रत्नागिरीमध्ये झालेल्या विनायक राऊत यांच्या प्रचारसभेत पंतप्रधान नरेंद्र मोदींवर टीका केली. आज मोदींनी ज्या ज्या भ्रष्टाचाऱ्यांना बरोबर घेतलं आहे ते पाहून अटलजींचा आत्मा ढसाढसा रडत असेल असं उद्धव ठाकरेंनी म्हटलं होतं. त्याबाबत देवेंद्र फडणवीस यांना विचारलं असता देवेंद्र फडणवीस यांनी खरमरीत उत्तर दिलं आहे. उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार आहे असं वक्तव्य फडणवीसांनी केलं आहे. सोलापुरात त्यांनी माध्यमांशी संवाद साधला.

– IPL2 Quiz

Savitribai Khanolkar Marathi name for designing the Param Vir Chakra award
सावित्रीबाई खानोलकर… परमवीर चक्र पुरस्काराचं डिझाईन करणारं मराठमोळं नाव
ravindra waikar on evm hacking
“…म्हणून ४८ मतांनी माझा विजय झाला”; रवींद्र वायकरांनी सांगितलं मतांचं गणित; ईव्हीएम हॅक करण्याच्या आरोपावर म्हणाले…
sudhir mungantiwar on raj thackeray
राज ठाकरेंना नरेंद्र मोदींच्या शपथविधीचं निमंत्रण का नाही? सुधीर मुनगंटीवारांनी दिलं स्पष्टीकरण; म्हणाले…
Gauri Chandrasekhar Nayak Lady Bhagirath of Karnataka
गौरी चंद्रशेखर नायक : कर्नाटकातल्या लेडी भगीरथ…
sanjay raut mla ravi rana claim
“आमच्या नादाला लागू नका, आमच्या भूमिका या…”, रवी राणांच्या ‘त्या’ दाव्यावर संजय राऊतांचे प्रत्युत्तर!
Chhagan bhubal and hasan mushrif
जितेंद्र आव्हाडांची पाठराखण केल्याने छगन भुजबळांना घरचा आहेर; हसन मुश्रीफ म्हणाले, “मनुस्मृतीचा विषय बाजूला पडेल…”
deepak chhagan jitendra
‘मनुस्मृतीच्या चंचूप्रवेशा’वरून जितेंद्र आव्हाडांची पाठराखण, तर दीपक केसरकारांवर टीका; छगन भुजबळ नेमकं काय म्हणाले?
After Sanjay Raut allegation interest in Nagpur Lok Sabha election results
संजय राऊत यांच्या आरोपानंतर नागपूरच्या निकालाची उत्सुकता

उद्धव ठाकरे नेमकं काय म्हणाले होते?

आयपीएलमध्ये नाही का खेळाडू एका टीममधून दुसऱ्या टीम दुसऱ्या टीममध्ये जातो तसं भारताच्या राजकारणाचं झालं आहे. आयपीएल इंडियन पॉलिटिकल लीग. मोदी कितीही काही बोलतील पण २०१४ आणि २०१९ चा आत्मविश्वास मला दिसतच नाही. २०१९ मध्येही आपण फसलो होतो. तेव्हा रुबाब होता कारण शिवसेना बरोबर होती, त्यावेळी ५६ इंची छाती होती आता त्यातली हवाही गेली कारण आजूबाजूला सगळे भ्रष्टाचारी अशी गत झाली आहे. आता अटलबिहारी वाजपेयींचा आत्मा ढसाढसा रडत असेल. ही सगळी काय गत केली भाजपाची असं त्यांच्या आत्म्याला वाटत असेल. याच टीकेला आता फडणवीसांनी खास आपल्या शैलीत उत्तर दिलं आहे.

हे पण वाचा- मोदींमुळे भारताकडे वाकड्या नजरेने पाहण्याची चीनचीही हिंमत नाही, देवेंद्र फडणवीस यांचा दावा

उद्धव ठाकरेंनी केलेलं विकासाचं एक काम दाखवावं

उद्धव ठाकरेंनी त्यांच्या आयुष्यात केलेलं एक विकास काम दाखवा. मी पुन्हा सांगतोय फक्त एक विकास काम दाखवा. उद्धव ठाकरेंना उत्तर देण्याची गरज आम्हाला नाही कारण संपूर्ण देश पंतप्रधान नरेंद्र मोदींनी केलेला विकास पाहतो आहे. अडीच वर्षे उद्धव ठाकरे महाराष्ट्राचे मुख्यमंत्री होते तेव्हाही त्यांनी महाराष्ट्राचा विकास होईल असं एकही काम केलं नाही.

उद्धव ठाकरेंची टीका म्हणजे सूर्याकडे थोबाड करुन थुंकण्याचा प्रकार

उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार आहे. तसंच संजय राऊत ही कोण व्यक्ती आहे ते मला माहीत नाही. उद्धव ठाकरेंनी ते म्हणजे महाराष्ट्र या मानसिकतेतून बाहेर आलं पाहिजे. असं म्हणत देवेंद्र फडणवीस यांनी मोदींवर उद्धव ठाकरेंनी केलेल्या टीकेला जोरदार प्रत्युत्तर दिलं आहे.

भारतात राम राम करायचे नाही तर पाकिस्तानात करायचे का?

आम्ही रामाचं नाव घेतो याचा ठाकरेंच्या शिवसेनेला राग का येतो? भारतात राम-राम करायचे नाही तर काय पाकिस्तानात जाऊन करायचे का? आम्ही राम-राम म्हणणारच असंही देवेंद्र फडणवीस यांनी ठणकावून सांगितलं आहे. आता यावर उद्धव ठाकरे काही प्रत्युत्तर देणार का? हे पाहणं महत्त्वाचं असणार आहे.