scorecardresearch

Premium

“लोक मला मुख्यमंत्री म्हणून…”, दिया कुमारींचं वक्तव्य, राजस्थानच्या मुख्यमंत्रिपदाच्या शर्यतीत तीन नेते आघाडीवर

Rajasthan Legislative Assembly Election Result 2023 : जयपूर घराण्याच्या राजकुमारी दिया कुमारी या राजस्थानच्या मुख्यमंत्रिपदाच्या शर्यतीत असल्याचं बोललं जात आहे.

ajasthan Election Result 2023 Updates in Marathi
दिया कुमारी विद्याधर नगर मतदारसंघात ७१,३६८ मतांनी विजयी झाल्या आहेत. (PC : Diya Kumari Facebook)

Rajasthan Vidhan Sabha Election Result 2023 Updates, 3 December 2023 : देशातल्या चार मोठ्या राज्याच्या विधानसभा निवडणुकांचे निकाल समोर येऊ लागले आहेत. या चारपैकी तीन राज्यांमध्ये भारतीय जनता पार्टीला बहुमत मिळाल्याचं चित्र आता स्पष्ट होऊ लागलं आहे. राजस्थान हे राज्य भाजपाने काँग्रेसकडून हिरावलं आहे. दुपारी तीन वाजेपर्यंत हाती आलेल्या निकालांनुसार राजस्थानमधल्या १९९ पैकी ११५ जागांवर भाजपा आघाडीवर आहे. तर काँग्रेस ७० जागांवर आघाडीवर आहे. त्यामुळे भाजपा बहुमताचा १०० हा आकडा पार करणार आहे. परंतु, राजस्थानात मुख्यमंत्रिपदाची माळ कोणाच्या गळ्यात पडणार असा प्रश्न अनेकांना पडला आहे. राजस्थानच्या मुख्यमंत्रिपदासाठी वसुंधराराजे सिंधिया यांच्यासह ‘राजस्थानचे योगी’ अशी ओळख असलेल्या बाबा बालक नाथ यांचं नाव चर्चेत आलं आहे. तसेच जयपूर घराण्याच्या राजकुमारी दिया कुमारी यांचं नावही चर्चेत आहे.

भारतीय जनता पार्टीच्या विद्यमान खासदार दिया कुमारी यांनी यावेळी राजस्थान विधानसभा निवडणूक लढवली. जयपूरमधल्या विद्याधर नगर विधानसभा मतदारसंघात त्यांचा मोठ्या मतफरकाने विजय झाला आहे. वसुंधरा राजे आणि बालक नाथ यांच्यासह दिया कुमारी यांचं नाव मुख्यमंत्रिपदाच्या शर्यतीत आहे. मुख्यमंत्रिपदाबद्दल विचारल्यावर दिया कुमारी म्हणाल्या, “पक्ष नेतृत्व याबाबतचा निर्णय घेईल.” त्या इंडिया टुडेशी बोलत होत्या.

Madhya Pradesh Congress
महाराष्ट्राच्या माजी मुख्यमंत्र्यांनंतर आता मध्यप्रदेशचे माजी सीएम कमलनाथही भाजपाच्या वाटेवर? राजकीय चर्चांना उधाण!
ashok chavan resignation marathi news, devendra fadnavis marathi news, eknath shinde marathi news, ashok chavan devendra fadnavis marathi news,
शिंदे-फडणवीस आणि अशोक चव्हाण यांच्यातील सौहार्द उघड!
EKnath Shinde Gangster Nilesh Ghaiwal
पुण्यातील कुख्यात गुंडाचा एकनाथ शिंदेंबरोबर फोटो? संजय राऊत म्हणाले, “मुख्यमंत्री आणि अजित पवारांचा मुलगा…”,
Hemant Soren
हेमंत सोरेन यांचा मुख्यमंत्रिपदाचा राजीनामा, राज्याची धुरा आता ‘या’ नेत्याकडे

दिया कुमारी म्हणाल्या, “लोकांचं प्रेम आहे की ते मला मुख्यमंत्री म्हणून पाहू इच्छितात. परंतु, मुख्यमंत्री कोण होणार याबाबतचा निर्णय पूर्णपणे पक्षाचं संसदीय मंडळ घेईल. तसेच भारतीय जनता पार्टी आगामी लोकसभा निवडणुकीत उत्तम कामगिरी करेल. भाजपा तीन राज्यांमध्ये जिंकत आहे आणि याचा आम्हाला खूप आनंद आहे. जनतेने भ्रष्ट काँग्रेस सरकारला नाकारलं आहे आणि भाजपाला मतदान केलं आहे.”

हे ही वाचा >> “मर्द कोण हे कळलं का?” भाजपाचा उद्धव ठाकरेंना प्रश्न; राहुल गांधींवर टीका करत म्हणाले, “पनवती…”

आगामी लोकसभा निवडणुकीबाबत दिया कुमारी म्हणाल्या, आम्ही लोकसभेबाबत आता खूप सकारात्मक आहोत. भाजपा पूर्वीपेक्षा जास्त जागा जिंकेल. जयपूरमधील विद्याधर नगर मतदारसंघात दिया कुमारी ७१,३६८ मतांनी विजयी झाल्या आहेत. त्यांना एकूण १,५८,५१६ मतं मिळाली आहेत. या मतदारसंघात दिया कुमारी यांनी काँग्रेसच्या सीताराम अग्रवाल (८७,१४८) यांना पराभूत केलं आहे. निवडणुकीतील विजयानंतर दिया कुमारी यांनी जयपूरच्या गोविंद देवजी मंदिरात जाऊन प्रार्थना केली आणि त्यानंतर त्यांनी निवडणुकीतील विजयाबाबत प्रसारमाध्यमांशी बातचीत केली.

Latest Comment
View All Comments
Post Comment

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Diya kumari on become next rajasthan chief minister after winning assembly election results 2023 asc

First published on: 03-12-2023 at 16:28 IST

संबंधित बातम्या

तुम्ही या बातम्या वाचल्या आहेत का? ×