भारतीय जनता पार्टीने यंदाच्या लोकसभा निवडणुकीत ‘अब की बार ४०० पार’चा नारा दिला आहे. देशात सरकार स्थापनेसाठी ५४३ पैकी २७२ जागा जिंकणं आवश्यक असतं. मात्र भाजपाप्रणित एनडीएला ४०० जागा जिंकायच्या आहेत. यावरून विरोधी पक्ष भाजपा आणि एनडीएवर टीका करत आहेत. “त्यांना देशाचं संविधान बदलायचं आहे, लोकशाही पायदळी तुडवायची आहे, म्हणूनच भाजपावाले ४०० पार जागा जिंकण्याच्या गोष्टी करत आहेत”, असा आरोप विरोधी पक्ष करत आहेत. एका बाजूला सत्ताधारी ‘४०० पार’ची घोषणा देत आहेत, तर दुसऱ्या बाजूला विरोधी पक्ष म्हणत आहेत की, आम्ही देशाचं संविधान वाचवण्यासाठी आणि लोकशाही टिकवण्यासाठी ही निवडणूक लढत आहोत. यंदा जर एनडीए ४०० पार गेली तर ही देशातली शेवटची लोकसभा निवडणूक असेल.

विरोधकांच्या या टीकेला राष्ट्रीय समाज पक्षाचे प्रमुख महादेव जानकर यांनी उत्तर दिलं आहे. जानकरांचा पक्ष काही दिवसांपूर्वीच महायुतीत दाखल झाला आहे. काही दिवसांपूर्वीपर्यंत भाजपावर टीका करणारे जानकर आता महायुतीत आल्यानंतर भाजपाची बाजू मांडत आहेत. विरोधकांच्या संविधान बदलण्याच्या दाव्यांवर प्रतिक्रिया देताना जानकर म्हणाले, मी स्वतः मागासवर्गीय आहे. त्यामुळे मी संविधान बदलू देणार नाही.

ravindra waikar on evm hacking
“…म्हणून ४८ मतांनी माझा विजय झाला”; रवींद्र वायकरांनी सांगितलं मतांचं गणित; ईव्हीएम हॅक करण्याच्या आरोपावर म्हणाले…
Parth Pawar, Rohit Pawar, Ajit Pawar,
पक्षात नाराज असल्याच्या चर्चांवर रोहित पवारांनी दिलं स्पष्टीकरण; म्हणाले, “माझ्या स्वभावानुसार…”
Bajrang Sonwane On Amol Mitkari
“अमोल मिटकरी अजित पवारांच्या बंगल्यावरील ऑपरेटर आहेत का?”, बजरंग सोनवणेंचा टोला; म्हणाले, “…तर जनता चपलेने मारेल”
Sunil Tatkare On Amol Mitkari on Bajrang Sonwane
मिटकरींनी बजरंग सोनवणेंबाबत केलेल्या विधानानंतर तटकरेंचंही सूचक विधान; म्हणाले, “अजित पवार आणि माझ्या संपर्कात…”
lok sabha elections 2024 rahul gandhi attacks bjp over dynasty politics
मंत्रिमंडळ नव्हे ‘परिवार मंडळ’; मंत्र्यांच्या घराणेशाहीवर बोट, राहुल गांधी यांची टीका
Agnipath scheme controversy INDIA bloc campaign on Agnipath scheme
अग्निवीर योजनेला विरोधकांकडून इतका विरोध का केला जातोय?
nitish kumar
“मोदी सांगतील ते मान्य करून पुढे जाऊ”; नितीश कुमारांचाही चर्चांना पूर्णविराम!
mani shankar aiyar on chinese invasion in india
‘चीनने भारतावर आक्रमण केलंच नाही?’ मणिशंकर अय्यर यांचं अजब विधान; काँग्रेसने हात झटकले

महादेव जानकर म्हणाले, एक लक्षात ठेवा आम्हीसुद्धा मागासवर्गीय आहोत. एक मागासवर्गीय माणूस संविधान कसं काय बदलेल? खरंतर लोकांमध्ये भ्रम निर्माण करण्यासाठी, लोकांना गोंधळात टाकण्यासाठी विरोधकांची ही सगळी नाटकं चालू आहेत. वेगवेगळी नाटकं करण्यासाठी हे लोक वाट्टेल त्या गुगल्या टाकत आहेत. या देशातला कुठलाही पंतप्रधान, जगातला कुठलाही शक्तिशाली नेता भारताचं संविधान बदलू शकत नाही. उलट माझं त्यांना (विरोधख) म्हणणं आहे की काँग्रेसने ८० वेळा घटना बदलली. मग तुम्ही तिथे काय केलं? आम्ही एकदाही असं काही केलं नाही. आमचं दहा वर्षे सरकार होतं, मात्र आम्ही तसं काहीच केलं नाही. आम्ही मागासवर्गीय आहोत, आम्ही कसे काय घटनेला हात लावून देऊ? आम्ही घटना बदलू देणार नाही. एनडीएत अजित पवार यांचा पक्ष धर्मनिरपेक्ष आहे, माझा पक्ष देखील धर्मनिरपेक्ष आहे, त्यामुळे आम्ही तसं काही होऊ देणार नाही.

हे ही वाचा >> “माझ्या पक्षाचं चिन्ह न्यायालयातून…”, राज ठाकरेंचा शिंदे गटाला टोला; शिवसेनेच्या ऑफरबाबत म्हणाले…

दुसऱ्या बाजूला विरोधी पक्ष दावा करतायत की, भाजपासह एनडीएचे नेते ‘अब की बार ४०० पार’चा नारा देत असले तरी यंदाच्या निवडणुकीत त्यांचे २०० खासदारही निवडून येणार नाहीत. यावर प्रतिक्रिया देताना महादेव जानकर म्हणाले, तुमच्या (विरोधक) २०० जागा येत असतील तर तुमचा पंतप्रधान कोण होणार आहे ते तरी सांगा. तुमचा पंतप्रधानपदाचा चेहरा कोण असणार त्याचं नाव तरी सांगा. मी आत्ता ठामपणे सांगतोय, आम्ही या निवडणुकीच्या निकालानंतर देशात सरकार स्थापन करतोय. आम्ही एनडीएचं सरकार बनवतोय आणि मी भावी मंत्री म्हणून बोलतोय. देशात सरकार आमचंच बनणार आहे.