scorecardresearch

Premium

Chhattisgarh CM : छत्तीसगडमध्ये मुख्यमंत्री कोण? रमण सिंह यांच्याशिवाय भाजपाकडे आहेत ‘हे’ पर्याय

Chhattisgarh Assembly Election : छत्तीसगडमध्ये भाजपाला पूर्ण बहुमत मिळत असल्याचे चित्र स्पष्ट झाले आहे. त्यामुळे छत्तीसगडच्या मुख्यमंत्रीपदाची माळ कुणाच्या गळ्यात पडणार? असा प्रश्न निर्माण झाला आहे.

Chhattisgarh-CM-Candidate-Raman-Singh
छत्तीसगडमध्ये भाजपाची बहुमताकडे वाटचाल सुरू असताना मुख्यमंत्रीपदाचा दावेदार कोण? याची चर्चा सुरू आहे. त्यातच माजी मुख्यमंत्री रमण सिंह पुन्हा चर्चेत आहेत. (Photo – PTI)

Who Will Be Chattisgarh CM : छत्तीसगडमध्ये ७ आणि १७ नोव्हेंबर रोजी दोन टप्प्यात ९० विधानसभा मतदारसंघासाठी मतदान झाले. आज (दि. ३ डिसेंबर) सकाळी मतमोजणीला सुरूवात झाल्यानंतर सुरुवातीच्या काळात काँग्रेस आघाडीवर असल्याचे चित्र दिसले. मात्र दुपार नंतर हे चित्र पालटले आणि भाजपाने जोरदारी मुसंडी मारत ९० पैकी ५४ जागांवर आघाडी घेतली. त्यामुळे बहुमताचा ४५ हा आकडा पार करून भाजपाने विजयाच्या दिशेन आगेकूच केली.

छत्तीसगडमध्ये बहुमत मिळाल्यानंतर भाजपा कुणाला मुख्यमंत्री करणार? असा प्रश्न उपस्थित झाला आहे. माजी मुख्यमंत्री रमण सिंह हे मागचे पाच वर्ष अडगळीत गेल्यानंतर निवडणुकीच्या काळात त्यांना उमेदवारी देऊन सक्रीय केले गेल. त्याशिवाय प्रदेशाध्यक्ष अरुण साव, दुर्गचे खासदार विजय बघेल आणि माजी आयएएस आणि भाजपाचे महामंत्री ओपी चौधरी मुख्यमंत्रीपदाच्या शर्यतीत आहेत.

nitish Kumar to join bjp
नितीश कुमार यांचा यू-टर्न; जदयू-भाजपाच्या सरकारचा ‘या’ दिवशी होणार शपथविधी?
Loksatta editorial West Bengal Chief Minister Mamata Banerjee and Punjab Chief Minister Bhagwant Mann decision to leave the India alliance
अग्रलेख: मान, ममता, मर्यादा!
As Yogi Adityanath importance has been highlighted by the ceremony in Ayodhya will the influence in the party also increase
अयोध्येतील सोहळ्याने योगी आदित्यनाथांचे महत्त्व अधोरेखित; पक्षातही प्रभाव वाढणार?
Himanta Biswa Sarma has directed criminal case be filed against Congress leader Rahul Gandhi
गुवाहाटीत काँग्रेस कार्यकर्ते अन् पोलिसांमध्ये झटापट; मुख्यमंत्र्याकडून राहुल गांधींवर गुन्हा दाखल करण्याचे निर्देश

कोण होणार मुख्यमंत्री?

छत्तीसगडमधील सामान्य नागरिकांमध्ये माजी मुख्यमंत्री रमण सिंह, भाजपाचे राष्ट्रीय उपाध्यक्ष सरोज पांडे आणि माजी मंत्री ब्रिजमोहन अग्रवाल या नावांचीही चर्चा आहे. ओबीसी प्रवर्गातील मोठे नेते आणि विलासपूरचे खासदार, भाजपाचे प्रदेशाध्यक्ष अरुण साव, माजी विरोधी पक्षनेते धरमलाल कौशिक, दुर्गचे खासदार विजय बघेल, विरोधी पक्षनेते नारायण चंदेल, माजी मंत्री अजय चंद्राकर आणि युवा नेता ओपी चौधरी यांच्या नावाची जोरदार चर्चा आहे.

आदिवासी समाजातून मुख्यमंत्री देण्याची मागणी

छत्तीसगडमध्ये आदिवासी जमातीची लोकसंख्या बऱ्यापैकी आहे. त्यामुळे आदिवासी समाजातून मुख्यमंत्री दिला जावा, अशी अनेक काळापासूनची मागणी आहे. अनुसूचित जमातीच्या (एसटी) प्रवर्गातील मोठ्या नेत्यांच्या नावावर नजर टाकली असता, केंद्रीय राज्यमंत्री रेणुका सिंह, माजी राज्यसभा खासदार रामविचार नेताम, भाजपाचे माजी प्रदेशाध्यक्ष विष्णुदेव साय, भाजपाचे राष्ट्रीय उपाध्यक्ष लता उसेंडी आणि राज्याचे माजी मंत्री केदार कश्यप यांचे नाव घेतले जाते.

अनुसूचित जातीमधून पर्याय देण्यासाठी भाजपाकडे फारसे नेते नाहीत. सध्या माजी केंद्रीय मंत्री डॉ. कृष्णमूर्ती बांधी, माजी मंत्री पुन्नूलाल मोहिले यांचे नाव घेतले जाते.

भाजपाने यावेळी पाचही राज्यात निवडणूक लढवित असताना मुख्यमंत्रीपदाचा चेहरा घोषित केला नव्हता. राजस्थान, मध्य प्रदेशमध्ये मातब्बर नेते असतानाही केवळ पंतप्रधान नरेंद्र मोदी आणि कल्याणकारी योजनांचा आधार घेऊन निवडणूक लढविली गेली. छत्तीसगडमध्येही हाच फॉर्म्युला वापरला गेला. त्यामुळे छत्तीसगडला यावेळी नवा चेहरा मिळणार का? याची उत्सुकता जनतेला लागली आहे.

Latest Comment
View All Comments
Post Comment

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Who is the chief minister in chhattisgarh with raman singh bjp has many option kvg

First published on: 03-12-2023 at 15:56 IST

संबंधित बातम्या

तुम्ही या बातम्या वाचल्या आहेत का? ×