09 April 2020

News Flash

फाफ डुप्लेसिसने माझा विश्वास सार्थ ठरवला, कर्णधार धोनीकडून डुप्लेसिसच्या खेळीचं तोंडभरुन कौतुक

डु प्लेसिसची नाबाद अर्धशतकी खेळी

फाफ डुप्लेसिस हैदराबादविरुद्ध सामन्यात फटका खेळताना

आयपीएलच्या अकराव्या हंगामात चेन्नई सुपरकिंग्जने अटीतटीच्या लढाईत हैदराबादच्या संघावर २ गडी राखून मात केली. चेन्नईसाठी या सामन्याचा हिरो ठरला तो दक्षिण आफ्रिकेचा फलंदाज फाफ डुप्लेसिस. हैदराबादच्या माऱ्यासमोर चेन्नईचे महारथी फलंदाज झटपट माघारी परतत असताना, डुप्लेसिसने एका बाजूने किल्ला लढवत ठेवत संघाला विजय मिळवून दिला. अकराव्या हंगामात डुप्लेसिसच्या वाट्याला फारशे सामने आले नसले, तरीही मिळालेल्या संधीचं त्याने पुरेपूर कौतुक करुन दाखवलं. त्याच्या याच खेळीवर संघाचा कर्णधार महेंद्रसिंह धोनी भलताच खुश आहे.

हैदराबादविरुद्ध सामन्यात डुप्लेसिसने ४२ चेंडुंमध्ये नाबाद ६७ धावांची आक्रमक खेळी केली. डुप्लेसिसच्या खेळीबद्दल विचारलं असताना धोनी म्हणाला, “अशा प्रसंगांमध्ये तुमचा अनुभव कामी येतो. डुप्लेसिसने आज हे सिद्ध करुन दाखवलं आहे. खडतर प्रसंगात आपण चांगला खेळ करत राहण्यासाठी आत्मविश्वासाची गरज असते. हा आत्मविश्वास अनुभवानेच तुम्हाला मिळत असतो. डुप्लेसिसवर मी जो विश्वास टाकला होता, तो त्याने सार्थ ठरवला”.

याचसोबत धोनीने हैदराबादच्या गोलंदाजांचही कौतुक केलं. सिद्धार्थ कौल आणि भुवनेश्वर कुमारने टिच्चून मारा केला. राशिद खाननेही त्यांना चांगली साथ दिली. लागोपाठ विकेट पडत गेल्यामुळे काहीकाळ आम्हाला पेचात पाडलं होतं, मात्र डुप्लेसिसच्या खेळीमुळे आम्ही अंतिम फेरीत पोहचलो, धोनी बोलत होता. हैदराबादविरुद्ध सामना जिंकून चेन्नईने थेट अंतिम फेरीत प्रवेश मिळवला आहे. हैदराबादच्या संघाला अंतिम फेरी गाठण्याची आणखी एक संधी मिळणार आहे. राजस्थान विरुद्ध कोलकाता सामन्यातील विजेत्याशी हैदराबादचा सामना रंगणार आहे. या सामन्यातील विजेता संघ हैदराबादशी पुन्हा लढणार आहे. त्यामुळे पुढच्या सामन्यांमध्ये कोण बाजी मारतं हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2018 1:46 am

Web Title: ipl 2018 qualifier 1 srh vs csk faf du plessis showed why experience matters says ms dhoni
टॅग Csk,Ipl
Next Stories
1 आखाती देश – युरोपात बीसीसीआय करणार आयपीएलचा प्रसार
2 चेन्नईवर डुप्लेसिस प्रसन्न, अटीतटीच्या लढतीत हैदराबादवर मात करत गाठली अंतिम फेरी
3 IPL 2018 – ‘संघाबाहेर राहण्याचा निर्णय माझा नव्हता’; गंभीरचा गौप्यस्फोट
Just Now!
X