IPL 2020 : तब्बल १२ वर्ष…राजस्थान रॉयल्सने मोडला स्वतःच्याच नावावर असलेला विक्रम

आयपीएलच्या इतिहासात राजस्थान रॉयल्सने सर्वोच्च धावसंख्येचा यशस्वी पाठलाग केला आहे. महत्वाची गोष्ट म्हणजे २००८ साली आयपीएलच्या पहिल्याच हंगामात राजस्थानने डेक्कन चार्जर्सविरोधात २१५ धावांचा यशस्वी पाठलाग केला होता. यानंतर १२ वर्ष हा विक्रम राजस्थानच्या नावावर अबाधित होता. यानंतर राजस्थाननेच रविवारी हा विक्रम मोडत नवीन इतिहास नोंदवला.

A long standing record from the inaugural IPL season has been broken today.

RR have chased down the highest biggest target in IPL history today.

Previous biggest was also by RR, 215 vs DC in 2008. #IPL2020 #RRvKXIP

— Bharath Seervi (@SeerviBharath) September 27, 2020

अष्टपैलू राहुल तेवतिया राजस्थानच्या विजयाचा खऱ्या अर्थाने हिरो ठरला. २२४ धावसंख्येचा पाठलाग करताना संजू सॅमसन, स्टिव्ह स्मिथ मोक्याच्या क्षणी माघारी परतले. भरवशाचा रॉबीन उथप्पाही फटकेबाजी करण्याच्या प्रयत्नात बाद झाला. परंतू तेवतियाने संयम राखत कोट्रेलच्या गोलंदाजीवर ५ षटकार खेचत सामना राजस्थानच्या दिशेने झुकवला. अखेरच्या षटकांत शमीने तेवतियाला तर मुरगन आश्विनने रियान परागला माघारी धाडत सामन्यात रंगत आणण्याचा प्रयत्न केला. परंतू टॉम करनने चौकार खेचत राजस्थानच्या विजयावर शिक्कामोर्तब केलं.