20 January 2020

News Flash

कोल्हापूरचे अ‍ॅड. अमित बोरकर उच्च न्यायालयाचे अतिरिक्त न्यायाधीश

जून १९९७ पासून मुंबई उच्च न्यायालयाच्या प्रधान पीठासमोर ते काम करीत आहेत.

कोल्हापूर : येथील अ‍ॅड. अमित भालचंद्र बोरकर यांनी मंगळवारी मुंबई उच्च न्यायालयाचे अतिरिक्त न्यायाधीश म्हणून शपथ ग्रहण केली. सुमारे २५ वर्षांंहून अधिक काळ वकिली व्यवसायात असलेल्या बोरकर यांनी शिवाजी विद्यापीठाचे विधी सल्लागार म्हणून प्रभावी कामगिरी बजावली आहे. बोरकर यांना मुंबई उच्च न्यायालयाचे मुख्य न्यायमूर्ती प्रदीप नंद्राजोग यांनी शपथ दिली. मूळचे कोल्हापूर येथील असलेल्या बोरकर यांचे शनिवार ब्रँच शाळा, न्यू हायस्कूल, विवेकानंद महाविद्यालय व शहाजी विधी महाविद्यालय येथे उच्चशिक्षण झाले आहे. त्यांनी जुलै १९९४ ते मे १९९७ या कालावधीत कोल्हापूर जिल्हा, दिवाणी न्यायालयांसह अन्य प्राधिकरणांवर काम केले आहे. दिवाणी, घटनात्मक, सहकार, शिक्षण, व्यापार कायदे, शैक्षणिक, सेवा आदी विषयांतील खटल्याचे कामकाज त्यांनी पाहिले आहे. जून १९९७ पासून मुंबई उच्च न्यायालयाच्या प्रधान पीठासमोर ते काम करीत आहेत.

First Published on January 15, 2020 4:00 am

Web Title: advocate amit borkar appoint additional judge of bombay high court zws 70
Next Stories
1 गोकुळची दूध खरेदी दरात वाढ
2 कोल्हापुरातील मटण दराचा प्रश्न सुटला
3 हसन मुश्रीफ, सतेज पाटील यांनी त्यांच्या संपत्तीचा हिशेब द्यावा
Just Now!
X