अयोध्येत आज (दि.५) राम मंदिराचे भूमिपूजन होणार असल्याच्या पार्श्वभूमीवर कोल्हापुरातील महालक्ष्मी मंदिरात आज विशेष पूजेचे आयोजन करण्यात आले आहे. यानिमित्ताने मंदिराची खास सजावट करण्यात आली असून मंदिर रंगीबेरंगी प्रकाशाने उजळून गेले आहे. संपूर्ण दिवस मंदिर सजावट, देवतांची विशेष पूजा, जप, अनुष्ठान, मंत्रपठण, रामरक्षा स्तोत्र, हनुमान स्तोत्र पठणाने हा दिवस साजरा करताना फिजिकल डिस्टंसिंग तसेच करोनाच्या पार्श्वभूमीवर दिलेल्या सर्व निर्देशांचे आवर्जून पालन केले जाणार आहे. आज महालक्ष्मीची विशेष रत्नजडीत अलंकारिक खडीपुजा बांधण्यात येणार आहे, असे देवस्थान समितीचे अध्यक्ष महेश जाधव यांनी सांगितले.
