News Flash

बॅडमिंटनमध्ये तीन गेमची गुणपद्धतीच कायम

ऑनलाइन झालेल्या मतदानामध्ये २८२ जणांनी मते नोंदवली.

बॅडमिंटन खेळाची गुणपद्धती सर्वोत्तम पाच गेमऐवजी तीन गेमपुरतीच मर्यादित राहील, असा निर्णय जागतिक बॅडमिंटन महासंघाच्या (बीडब्ल्यूएफ) शनिवारी झालेल्या वार्षिक सर्वसाधारण सभेत बहुमताने घेण्यात आला.

ऑनलाइन झालेल्या मतदानामध्ये २८२ जणांनी मते नोंदवली. ६६.३१ टक्के जणांनी या पद्धतीला पाठिंबा दर्शवला, मात्र ३३.६९ जणांनी विरोध केल्यामुळे नियमानुसार एकूण मतांपैकी दोन-तृतीयांश तीन मते मिळवण्यात पाच गेमची गुणपद्धती अपयशी ठरली. बॅडमिंटनमध्ये सध्या २१ गुणांचे सर्वोत्तम तीन गेम यानुसार सर्व सामने रंगतात. यापूर्वी २०१४मध्ये ११ गुणांच्या सर्वोत्तम पाच गेमचा प्रयोग करण्यात आलेला. इंडोनेशिया, मालदीव, कोरिया, चायनीज तैपई येथील बॅडमिंटन संघटनांचा पाच गेमच्या पद्धतीला पाठिंबा होता.

एकूण मतांपैकी दोन-तृतियांश मते मिळवण्यात पाच गेमच्या गुणपद्धतीला अपयश आले. त्यामुळे बॅडमिंटनचे सामने पूर्वीच्या गुणपद्धतीनुसारच खेळवण्यात येतील. जगभरातील बॅडमिंटन संघटनांनी या मतप्रक्रियेत सहभाग नोंदवल्यामुळे मी आनंदी आहे.

-पॉल एरिक होयर, जागतिक बॅडमिंटन महासंघाचे अध्यक्ष

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2021 1:30 am

Web Title: badminton quality of three games remains the same ssh 93
Next Stories
1 कोपा अमेरिकाचे भवितव्य अधांतरी
2 ऑलिम्पिक स्पर्धा नियोजित तारखांनाच -बाख
3 समस्यांच्या चक्रव्यूहात टोक्यो ऑलिम्पिक!