07 March 2021

News Flash

क्रिकेटपटू बेन स्टोक्सच्या वडिलांचं निधन, कॅन्सरच्या आजाराने होते त्रस्त

जेड स्टोक्स यांनी वयाच्या ६५ व्या वर्षी घेतला अखेरचा श्वास

इंग्लंडचा अष्टपैलू क्रिकेटपटू बेन स्टोक्सचे वडील जेड स्टोक्स यांचं निधन झालं आहे. गेल्या काही महिन्यांपासून जेड ब्रेन कॅन्सरच्या आजाराने त्रस्त होते. मुळचे न्यूझीलंडचे असलेले जेड स्टोक्स हे उत्कृष्ट रग्बीपटू आणि प्रशिक्षक होते. काही दिवसांपूर्वी आपल्या वडिलांसोबत राहता यावं यासाठी बेन स्टोक्सने पाकिस्तानविरुद्ध दौऱ्यातून माघार घेत न्यूझीलंडला आपल्या परिवारासोबत राहणं पसंत केलं होतं.

आयपीएलच्या तेराव्या हंगामात राजस्थान रॉयल्सकडून सुरुवातीच्या काही सामन्यांमध्येही बेन स्टोक्स सहभागी झाला नव्हता. परंतू नंतर वडिलांनी परवानगी दिल्यानंतर तो आयपीएलच्या उर्वरित हंगामात खेळला. सध्या बेन स्टोक्स इंग्लंडच्या संघासोबत दक्षिण आफ्रिकेत असून तो लवकरच आपल्या परिवारासोबत राहण्यासाठी न्यूझीलंडला रवाना होणार असल्याचं कळतंय.

बेन स्टोक्समध्ये क्रिकेटची आवड निर्माण करण्यात जेड स्टोक्स यांचा महत्वाचा वाटा मानला जातो. काही महिन्यांपूर्वीच त्यांना दुर्धर अशा ब्रेन कॅन्सरचं निदान झालं होतं, ज्यानंतर त्यांच्यावर सातत्याने उपचार सुरु होते. अखेरीस वयाच्या ६५ व्या वर्षी जेड स्टोक्स यांनी अखेरचा श्वास घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 8, 2020 9:52 pm

Web Title: ben stokes father dies after battle with brain cancer psd 91
Next Stories
1 रमेश-सुरेश…मैदानात आपल्यासारख्या दिसणाऱ्या व्यक्तीला पाहून विराटही झाला अवाक
2 Video : जेव्हा ठाकूर साहेब भडकतात ! मॅक्सवेलचा कॅच सोडणाऱ्या चहरला दिल्ली खुन्नस
3 माझ्यासाठी तूच खरा मालिकावीर ! हार्दिक पांड्याने केलं नटराजनचं कौतुक
Just Now!
X