20 September 2020

News Flash

दुसऱ्या डावातही आनंदची बरोबरी

गतविजेत्या विश्वनाथन आनंदला बिलबाओ मास्टर बुद्धिबळ स्पध्रेच्या दुसऱ्या डावातही बरोबरीवर समाधान मानावे लागले.

गतविजेत्या विश्वनाथन आनंदला बिलबाओ मास्टर बुद्धिबळ स्पध्रेच्या दुसऱ्या डावातही बरोबरीवर समाधान मानावे लागले. चीनच्या लिरेन डिंगविरुद्ध आनंदने बरोबरी राखून संयुक्तपणे दुसरे स्थानही कायम राखले आहे. मात्र, या निकालामुळे आनंदवर जेतेपद कायम राखण्यासाठी दबाव वाढला आहे. उर्वरित चार सामन्यांत त्याला तीनमध्ये काळ्या मोहऱ्यांनी खेळावे लागणार आहे.
‘रुय लोपेझ’ पद्धतीने डावाची सुरुवात करत आनंदने डिंगवर दडपण निर्माण करण्याचा प्रयत्न केला, पण त्याने आनंदच्या सर्व चालींना सडेतोड उत्तर देत कडवी झुंज दिली. या सामन्यात निकाल लागणे अशक्य असल्याचे दोन्ही स्पर्धकांना जाणवल्यामुळे त्यांनी ३४ चालींनंतर सामना बरोबरीवर सोडण्याचा निर्णय घेतला.
दुसऱ्या लढतीत अमेरिकेचा वेस्लेय सो आणि नेदरलँडच्या अनिश गिरी यांच्यातील सामनाही बरोबरीत सुटला. वेस्लेय चार गुणांसह अव्वल स्थानावर आहे. आनंद, गिरी दोन गुणांसह संयुक्तरीत्या दुसऱ्या आणि डिंग एक गुणासह त्यांच्यापाठोपाठ आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 29, 2015 7:28 am

Web Title: bilbao equal with anand
Next Stories
1 फिफाच्या अध्यक्षपदासाठी सात संघटक रिंगणात
2 विजयपथावर परतण्याचे कोलकाताचे लक्ष्य
3 हॉकी इंडियाची ‘साइ’सोबत भागीदारी
Just Now!
X