फुटबॉलचा स्टार खेळाडू ख्रिस्तियानो रोनाल्डोनं अखेर रियाल माद्रिद या क्लबला रामराम ठोकला आहे. रोनाल्डो आता इटलीच्या युवेंटस संघाकडून नवी इनिंग सुरु करणार आहे. रोनाल्डोसाठी युवेंटस क्लबनं ११७ मिलियन डॉलर्स इतकी रक्कम मोजली असल्याची माहिती मिळते आहे. २००९ साली रोनाल्डो रियाल माद्रिद संघात दाखल झाला होता, त्यावेळी तो जगातला सगळ्यात महागडा खेळाडू ठरला होता. ३३ वर्षीय रोनाल्डोनं गेल्या नऊ वर्षात रियाल माद्रिदसाठी उल्लेखनीय कामगिरी बजावली आहे. ख्रिस्तियानो रोनाल्डोचा रियाल माद्रिदला रामराम, आता युवेंटसकडून खेळणार माद्रिदकडून खेळताना रोनाल्डोची कामगिरी सामने: 438 गोल: 450 असिस्ट: 119 4x चॅम्पियन्स लीग 2x ला लीगा 2x कोपा डेल रे 2x सुपर कप 4x बॅलन डीओर 3x गोल्डन बूट pic.twitter.com/lNBmfcWT6q — VIJAY SHINDE (@vijaymajha) July 10, 2018 रोनाल्डोनं रियाल माद्रिदकडून खेळताना ४५० गोल झळकावण्याचा विक्रम रचला. तसेच रियाल माद्रिदसाठी त्यानं ४ युएफा चॅम्पियन्स लीग, ३ क्लब वर्ल्ड कप, २ ला लीगा, २ कोपा डेल रे, २ स्पॅनिश सुपर कप आणि २ युएफा सुपर कप जिंकण्याचा पराक्रम गाजवला. गेल्या ९ वर्षात रोनाल्डोनं चारवेळा बॅलन डीओर पुरस्कार जिंकला आहे. आता युवेंटसकडून खेळतानाही रोनाल्डो अशीच दमदार कामगिरी करेल अशी अपेक्षा त्याचे चाहते करत आहेत.