News Flash

ऑस्ट्रेलियाच्या आशेवर पाणी

‘दैव देते, अन् कर्म नेते’, याचा प्रत्यय अ‍ॅशेस मालिकेतील तिसऱ्या कसोटी सामन्याच्या पाचव्या दिवशी ऑस्ट्रेलियाला आला. ऑस्ट्रेलियाने अखेरच्या दिवशी इंग्लंडपुढे विजयासाठी ३३२ धावांचे आव्हान ठेवले

| August 6, 2013 05:05 am

‘दैव देते, अन् कर्म नेते’, याचा प्रत्यय अ‍ॅशेस मालिकेतील तिसऱ्या कसोटी सामन्याच्या पाचव्या दिवशी ऑस्ट्रेलियाला आला. ऑस्ट्रेलियाने अखेरच्या दिवशी इंग्लंडपुढे विजयासाठी ३३२ धावांचे आव्हान ठेवले होते. त्यापुढे इंग्लंडची ३ बाद ३७ अशी दयनीय अवस्था झाली होती. पण पावसाने ‘खो’ घातला आणि ऑस्ट्रेलियाच्या विजयाच्या आशेवर पाणी फिरले. पावसाच्या व्यत्ययामुळे सामना अनिर्णित राहिला. तीन कसोटी सामन्यांनंतर इंग्लंडकडे २-० अशी आघाडी आहे.
डावाच्या सुरुवातीला धावांचे खाते न उघडताच इंग्लंडला कर्णधार अ‍ॅलिस्टर कुक (०)च्या रूपात धक्का बसला. त्यानंतर रयान हॅरिसने जोनाथन ट्रॉटला (११) बाद करीत दुसरा धक्का दिला. त्यानंतर पीटर सिडलने केव्हिन पीटरसनला (८) माघारी धाडत इंग्लंडची ३ बाद २७ अशी अवस्था केली. ऑस्ट्रेलिया वर्चस्व मिळवत विजयाच्या दिशेने कूच करेल, असे वाटत असतानाच पावसाचे आगमन झाले आणि त्यानंतर एकही चेंडू न टाकता सामना अनिर्णित ठेवण्याची घोषणा करण्यात आली. मालिकेतील तीन सामन्यांमध्ये एकही सामना न जिंकल्याने ऑस्ट्रेलियाला मालिका जिंकता येणार नाही, पण त्यांना मालिकेत बरोबरी करायची असेल तर आगामी दोन्ही सामने जिंकावे लागतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 6, 2013 5:05 am

Web Title: england retain the ashes after rain forces draw in third test
टॅग : Test Cricket
Next Stories
1 क्रिकेटमधील भ्रष्टाचार निर्मूलनासाठी सत्यशोधक यंत्रणा पाहिजे -स्टीव्ह वॉ
2 खेळाची विश्वासार्हता महत्त्वाची -द्रविड
3 ‘भारतरत्न’ पुरस्कारासाठी ध्यानचंद यांच्या नावाची शिफारस
Just Now!
X