06 April 2020

News Flash

दहाही फलंदाज त्रिफळाचीत, ४ धावांमध्ये संघ माघारी..जाणून घ्या कोणत्या सामन्यात घडला प्रकार

अतिरीक्त धावांमुळे उघडलं संघाचं खातं

आंतरराष्ट्रीय क्रिकेटमध्ये शेवटच्या चेंडूपर्यंत रंगणारे सामने आपण सर्वांनी अनुभवले आहेत. नुकत्याच पार पडलेल्या आयपीएलच्या बाराव्या हंगामात तब्बल २० सामने शेवटच्या षटकापर्यंत रंगले होते. मात्र केरळमधील एका स्थानिक सामन्यामध्ये संघ ४ धावांमध्ये माघारी परतला आहे.

केरळच्या मालापुरम जिल्ह्यात वायनाड आणि कासारगौड संघात सामना खेळवण्यात येत होता. पेरिनथमाला मैदानावरील सामन्यात कासारगौड संघ अवघ्या ४ धावांवर माघारी परतला आहे. महत्वाची गोष्ट म्हणजे या संघातला अकरावा खेळाडूही एकही धाव काढू शकला नाही. कासारगौड संघातले दहाही फलंदाज त्रिफळाचीत होऊन माघारी परतले.

वायनाडच्या गोलंदाजांनी ४ धावा अतिरिक्त स्वरुपात दिल्यामुळे कासारगौड संघाने खातं उघडलं. विजयासाठी आवश्यक असलेलं ५ धावांचं आव्हान वायनाडच्या संघाने पहिल्याच षटकात पूर्ण केलं. या सामन्याची स्थानिक क्रिकेट वर्तुळात सध्या चांगलीच चर्चा सुरु आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2019 2:19 pm

Web Title: entire team out on 4 runs in local cricket match at kerala
Next Stories
1 मारिया शारापोव्हाची फ्रेंच ओपन स्पर्धेतून माघार
2 World Cup 2019 : संघासाठी विश्वचषक जिंकायचाय – डेल स्टेन
3 लोकेश राहुल विश्वचषकात चौथ्या क्रमांकाच्या जागेसाठी योग्य पर्याय – गौतम गंभीर
Just Now!
X