01 October 2020

News Flash

सीमावर चार वर्षांची बंदी

उत्तेजक चाचणीत दोषी सापडल्यामुळे कारवाई

(संग्रहित छायाचित्र)

 

उत्तेजक प्रतिबंधक नियमांचे उल्लंघन केल्याप्रकरणी भारताची राष्ट्रकुल अजिंक्यपद रौप्यपदक विजेती वेटलिफ्टिंगपटू सीमावर चार वर्षे बंदीची कारवाई करण्यात आली आहे.

विशाखापट्टणम येथे झालेल्या महिलांच्या राष्ट्रीय वेटलिफ्टिंग अजिंक्यपद स्पर्धेदरम्यान सीमाचे उत्तेजक चाचणीचे नमुने घेण्यात आले होते. या नमुन्यांमध्ये बंदी असलेल्या उत्तेजक पदार्थाचे अवशेष सापडले होते. त्यामुळे तिने उत्तेजक प्रतिबंधक नियमांचे उल्लंघन केले आहे, अशी माहिती राष्ट्रीय उत्तेजक प्रतिबंधक संस्थेने (नाडा) दिली.

‘‘सीमाच्या विश्लेषणात्मक अहवालात हायड्रॉक्सी-४-मेथॉक्सी टेमॉक्सीफेन, सिलेक्टिव्ह एस्ट्रोजेन रीसेप्टर मोडय़ूलर मेटेनोलोन, अ‍ॅनाबोलिक स्टेरॉइड ऑस्ट्रेन, सिलेक्टिव्ह अँड्रोजेन रीसेप्टर मोडय़ूलर या जागतिक उत्तेजक प्रतिबंधक संस्थेने (वाडा) बंदी घातलेल्या पदार्थाचे अवशेष सापडले आहेत,’’ असे ‘नाडा’ने म्हटले आहे. ‘नाडा’च्या उत्तेजक प्रतिबंधक शिस्तपालन समितीने चार वर्षांच्या बंदीची शिक्षा तिला सुनावली आहे.

सीमाने २०१७मध्ये राष्ट्रकुल अजिंक्यपद स्पर्धेत रौप्यपदक पटकावले होते, तर २०१८मध्ये झालेल्या गोल्ड कोस्ट राष्ट्रकुल क्रीडा स्पर्धेत तिला सहाव्या स्थानावर समाधान मानावे लागले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 29, 2019 2:10 am

Web Title: four year ban on the seema abn 97
Next Stories
1 दिलप्रीत सिंगचे पुनरागमन
2 राज्यस्तरीय कबड्डी स्पर्धा : अमरहिंद, शिरोडकर, शिवशक्ती बाद फेरीत
3 पाकिस्तानी संघात धर्माच्या आधारावर भेदभाव पाहिला नाही – इंझमाम उल हक 
Just Now!
X