भारताचा १४ वर्षीय आंतरराष्ट्रीय मास्टर लायन मेंडोसाने हंगेरी येथे झालेल्या बुद्धिबळ स्पर्धेचे विजेतेपद पटकावले. त्याबरोबरच गोव्याच्या या युवा खेळाडूने ग्रँडमास्टर किताबासाठीचा दुसरा टप्पा पार के ला. ग्रँडमास्टर किताब पटकावण्यासाठी मेंडोसाला आता तिसरा टप्पा पार करावा लागणार आहे. मेंडोसाचे एलो मानांकन २५१६ असून हंगेरीतील स्पर्धा त्याने ७.५ गुणांसह जिंकली. संपूर्ण स्पर्धेत त्याने एकही पराभव पत्करला नाही. याउलट त्याने स्पर्धेत दोन ग्रँडमास्टर्सवर विजय मिळवला. या स्पर्धेतील अव्वल खेळाडू आणि हंगेरीचा ग्रँडमास्टर फोगारासी टिबोरवरील मेंडोसाचा विजय विशेष होता. नऊ फेऱ्यांच्या या स्पर्धेत मेंडोसाने सहा विजय आणि तीन बरोबरी अशी सर्वोत्तम कामगिरी केली.
