28 September 2020

News Flash

IND vs AUS : पंतची वादळी खेळी; ३५ वर्षांनंतर केली ‘या’ विक्रमाशी बरोबरी

पंतने लगावल्या नाबाद १५९ धावा

भारत आणि ऑस्ट्रेलिया यांच्यात चौथी आणि अंतिम कसोटी सुरु आहे. या कसोटीत भारताने पहिला डाव ७ बाद ६२२ धावांवर घोषित केला. चेतेश्वर पुजारा (१९३) आणि ऋषभ पंत ( नाबाद १५९) यांच्या दीडशतकी खेळीच्या बळावर भारताने ही डोंगराएवढी धावसंख्या उभारली. पुजाराने या मालिकेतील तिसरे शतक ठोकले. पण या मालिकेत फलंदाजीच्या शैलीवरून टीका होणाऱ्या ऋषभ पंतलादेखील सूर गवसला. ऋषभ पंतने दीडशतकी खेळी करत एक विक्रम प्रस्थापित केला.

पंतने नाबाद १५९ धावा लगावल्या. १८९ चेंडूत केलेल्या या खेळीत त्याने १५ चौकार आणि १ षटकार खेचला. या खेळीसह पाहुण्या संघाच्या यष्टीरक्षकाने इंग्लंड आणि ऑस्ट्रेलिया अशा दोनही देशात शतक झळकावणारा ऋषभ दुसरा फलंदाज ठरला. या आधी विंडीजचा यष्टीरक्षक जेफरी डुजॉन याने १९८४ साली आधी मँचेस्टर मध्ये आणि त्याच वर्षी पर्थमध्ये शतक झळकावले होते.

 

दरम्यान, ऑस्ट्रेलियाच्या भूमीवर आपले पहिले शतक ठोकत असा पराक्रम करणारा पहिला भारतीय यष्टीरक्षक होण्याचा मान मिळवला. ऋषभने १३८ चेंडूत शतक झळकावले. या खेळीत त्याने ९ चौकार लगावले. यासह पंत ऑस्ट्रेलियात शतक झळकावणारा पहिला भारतीय यष्टीरक्षक ठरला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 4, 2019 12:01 pm

Web Title: ind vs aus rishabh pant is now the only 2nd visiting wicket keeper to register test hundreds both in england and australia
Next Stories
1 Viral Video: भारतीय पाठिराख्यांनी तयार केलेलं ‘ऋषभ पंत साँग’ ऐकलंत का?
2 पंत भारताची नवी ‘रन मशीन’; शतकी खेळी करत विराटलाही टाकले मागे
3 IND vs AUS : ऋषभ पंत ‘शंभर नंबरी’ सोनं; केला धोनीलाही न जमलेला पराक्रम
Just Now!
X