03 June 2020

News Flash

IND vs WI : विराटचा शाहिद आफ्रिदीला धोबीपछाड, मिळवलं दिग्गज खेळाडूंच्या पंगतीत स्थान

अर्धशतकी खेळीसाठी विराटला सामनावीराचा पुरस्कार

कर्णधार विराट कोहलीच्या नेतृत्वाखाली भारतीय संघाने पहिल्या टी-२० सामन्यात विंडीजवर ६ गडी राखून मात केली. ३ टी-२० सामन्यांच्या मालिकेत भारताने सध्या १-० अशी आघाडी घेतली आहे. विराटने ५० चेंडूत ९४ धावांनी खेळी केली. त्याच्या या खेळीत ६ चौकार आणि ६ षटकारांचा समावेश होता. विराट आणि लोकेश राहुल यांनी केलेल्या शतकी भागीदारीच्या जोरावर भारतीय संघाने आपला विजय मिळवला. विराटला त्याच्या या खेळीसाठी सामनावीर पुरस्काराने गौरवण्यात आलं.

याचसोबत विराटने पाकिस्तानचा माजी अष्टपैलू खेळाडू शाहीद आफ्रिदीला धोबीपछाड दिला आहे. आंतरराष्ट्रीय टी-२० क्रिकेटमध्ये सर्वाधिक वेळा सामनावीर पुरस्कार मिळवणाऱ्या खेळाडूंच्या यादीत विराट आता पुढे गेला आहे. विंडीजविरुद्ध मिळालेला पुरस्कार हा विराटचा टी-२० क्रिकेटमधला बारावा पुरस्कार होता, आफ्रिदीच्या नावावर आंतरराष्ट्रीय टी-२० क्रिकेटमध्ये ११ सामनावीर पुरस्कारांची नोंद आहे.

याचसोबत एका कॅलेंडर वर्षात ८ किंवा त्यापेक्षा जास्त सामनावीर पुरस्कार मिळवणाऱ्या खेळाडूंच्या यादीत विराट पहिल्या स्थानी कायम आहे.

आंतरराष्ट्रीय क्रिकेटमध्येही विराटने दिग्गज खेळाडूंच्या पंगतीत आपलं स्थान मिळवलं आहे.

या मालिकेतला दुसरा सामना ८ डिसेंबरला तिरुअनंतरपुरमच्या मैदानावर खेळवला जाणार आहे. त्यामुळे या सामन्यात दोन्ही संघ कशी कामगिरी करतो याकडे सर्वांचं लक्ष असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2019 3:00 pm

Web Title: ind vs wi 1st t20i virat kohli bags mom award gets pass shahid afridi in elite list psd 91
Next Stories
1 IND vs WI : टी-२० क्रिकेटमध्ये टीम इंडियाची अनोखी हॅटट्रीक, कर्णधार विराटही चमकला
2 प्रकाशझोतातील कसोटीचा अतिरेक नको!
3 पोलार्डमध्ये विंडीजला प्रगतीचा मार्ग दाखवण्याची क्षमता!
Just Now!
X