News Flash

२०१९ साली आयपीएल भारत आणि संयुक्त अरब अमिरातीत? सार्वत्रिक निवडणुकांमुळे बीसीसीआय निर्णय घेण्याची शक्यता

बीसीसीआयच्या एका अधिकाऱ्याने IANS या वृत्तसंस्थेला माहिती दिली.

२०१९ साली आयपीएल भारत आणि संयुक्त अरब अमिरातीत? सार्वत्रिक निवडणुकांमुळे बीसीसीआय निर्णय घेण्याची शक्यता

२०१९ साली आयपीएलचा बारावा हंगाम भारत आणि संयुक्त अरब अमिराती या दोन देशांमध्ये खेळवला जाण्याची शक्यता आहे. पुढच्या वर्षी भारतात होणाऱ्या लोकसभेच्या सार्वत्रिक निवडणुकांमुळे बीसीसीआय आयपीएलचे काही सामने संयुक्त अरब अमिरातीत खेळवण्याच्या विचारात आहे. बीसीसीआयच्या एका अधिकाऱ्याने IANS या वृत्तसंस्थेला माहिती दिली.

पुढच्या वर्षी भारतात लोकसभेच्या सार्वत्रिक निवडणुका पार पडणार आहेत. त्यामुळे आयपीएलचा अर्धा हंगाम संयुक्त अरब अमिरातीत खेळवला जाण्याची दाट शक्यता आहे. मात्र या बाबतचा अंतिम निर्णय निवडणुकांची तारीख जाहीर झाल्यानंतर घेण्यात येईल, असं बीसीसीआयच्या अधिकाऱ्याने नाव न घेण्याच्या अटीवर सांगितलं आहे.

आयपीएल भारताबाहेर जाण्याची ही पहिलीच वेळ नाहीये. २००९ साली भारतात होणाऱ्या निवडणुकांमुळे आयपीएलचा संपूर्ण हंगाम दक्षिण आफ्रिकेत खेळवण्यात आला होता. यानंतर २०१४ साली झालेल्या निवडणुकांमुळे स्पर्धेचे पहिले दोन आठवडे संयुक्त अरब अमिरातीत खेळवले गेले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 25, 2018 8:58 pm

Web Title: ipl 2019 may be partly shifted to uae due to general elections
टॅग : IPL 2019
Next Stories
1 धोनीची धुलाई अन् रायडूचा राडा , रंगतदार सामन्यात बंगळुरूचा पराभव
2 लक्ष्मणवर ओरडला म्हणून भावाने काढली होती सचिन तेंडुलकरची खरडपट्टी
3 IPL 2018 – दिल्ली डेअरडेविल्सच्या कर्णधारपदावरुन गौतम गंभीर पायउतार, मुंबईकर श्रेयस अय्यर संघाचा नवीन कर्णधार
Just Now!
X