12 December 2019

News Flash

IPL 2020 : सॅम बिलिंग्ज चेन्नई सुपरकिंग्जकडून करारमुक्त

आगामी हंगामासाठी बिलिंग्जला लिलावात उतरावं लागणार

२०१९ आयपीएलच्या हंगामाचं उप-विजेतेपद पटकावणाऱ्या चेन्नई सुपरकिंग्जने आणखी एका खेळाडूला संघातून करारमुक्त केलं आहे. इंग्लंडचा यष्टीरक्षक फलंदाज सॅम बिलिंग्जला चेन्नईने निरोप दिला आहे. त्यामुळे आगामी हंगामासाठी बिलिंग्जला लिलावाच्या प्रक्रियेत सहभागी व्हावं लागणार आहे.

२०१८ साली चेन्नईने बिलिंग्जला १ कोटी रुपयांची किंमत मोजून चेन्नईसाठी करारबद्ध केलं होतं. यानंतर बिलिंग्जने चेन्नईसाठी १० सामने खेळले, ज्यात त्याने १०८ धावा केल्य़ा. आपल्या सोशल मीडिया अकाऊंटवर बिलिंग्जने चेन्नईच्या संघ व्यवस्थापनाचे आभार मानले आहेत.

काही प्रसारमाध्यमांना दिलेल्या माहितीनुसार दिल्ली कॅपिटल्सचा संघ बिलिंग्जला आपल्या संघात सहभागी करुन घेण्यासाठी उत्सुक आहे. १९ डिसेंबरला कोलकाता शहरात आयपीएलच्या आगामी हंगामाचा लिलाव पार पडणार आहे.

First Published on November 14, 2019 4:21 pm

Web Title: ipl 2020 chennai super kings release sam billings before the auction psd 91
टॅग Csk,Ipl
Just Now!
X