20 October 2020

News Flash

कटू भूतकाळ विसरून भविष्याचा विचार करावा

ऑस्ट्रेलियाच्या काही खेळाडूंनी केलेले कृत्य खरोखरीच खेळास काळिमा फासणारे आहे.

भारताचे माजी कर्णधार कपिल देव

ऑस्ट्रेलियाच्या काही खेळाडूंनी केलेले कृत्य खरोखरीच खेळास काळिमा फासणारे आहे. मात्र ही घटना आता जुनी झाली आहे. युवा खेळाडूंनी हा कटू भूतकाळ विसरून त्यापासून बोध घ्यावा व भविष्याचा विचार करावा, असे ज्येष्ठ क्रिकेटपटू कपिलदेव यांनी सांगितले.

ऑक्सफर्ड क्लब येथे झालेल्या राष्ट्रीय स्तरावरील गोल्फ स्पर्धेत ते सहभागी झाले होते. स्पर्धेनंतर त्यांनी पत्रकारांशी संवाद साधताना सांगितले, खेळात अशा घटना होत असतात. त्यामुळेच युवा खेळाडूंनी अन्य खेळाडूंनी केलेल्या चुका कशा टाळता येतील. अशा प्रसंगापासून आपल्याला काय बोध मिळतो याचा विचार केला पाहिजे. युवा खेळाडूंसाठी आयपीएल हे उत्तम व्यासपीठ असल्यामुळे युवा खेळाडूंनी या स्पर्धेत सर्वोत्तम कामगिरी कशी करता येईल याकडे लक्ष केंद्रित केले पाहिजे. करीअर करताना नेहमी सकारात्मक दृष्टिकोन व वृत्ती ठेवली पाहिजे.

पाकिस्तानचा शाहीद आफ्रिदी याने भारतव्याप्त काश्मीरमध्ये मारले गेलेले तरुण दहशतवादी नसून सामान्य नागरिक होते. संयुक्त राष्ट्र संघाने याबाबत मध्यस्थी करावी असे विधान केले होते. त्याबाबत विचारले असता कपिलदेव म्हणाले, आफ्रिदीला पाकिस्तानच्या प्रसारमाध्यमांनी विनाकारण मोठे केले आहे. आपण त्याला प्रसिद्धी न देणेच चांगले होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 7, 2018 12:06 am

Web Title: kapil dev
Next Stories
1 राष्ट्रकुल स्पर्धा २०१८, ऑस्ट्रेलिया – कांस्यपदकाची कमाई करणाऱ्या दिपक लाथेरच्या शिरपेचात मानाचा तुरा
2 IPL मध्ये न खेळल्यामुळेच पाकिस्तानी संघ सर्वोत्कृष्ट – वकार युनूस
3 एक नारी सब पर भारी! संजिता चानूच्या कामगिरीनंतर विरेंद्र सेहवाग खूश
Just Now!
X