News Flash

२०२८ चं ऑलिम्पिक लॉस एंजलिसमध्ये रंगणार

२०२४ सालच्या ऑलिम्पिक खेळांचा मान पॅरिस शहराला

आंतराष्ट्रीय ऑलिम्पिक समितीकडून शहरांची अधिकृत घोषणा

अखेर २०२८ सालचे ऑलिम्पीक खेळ कोणत्या शहरात रंगणार यावरचा पडदा आता उठलेला आहे. अमेरिकेतल्या लॉस एंजलिस या शहराला २०२८ च्या ऑलिम्पीक खेळाचं यजमानपद भूषवण्याचा मान मिळणार आहे. आंतराष्ट्रीय ऑलिम्पिक समितीसोबत झालेल्या करारानूसार लॉस एंजलिस शहराच्या महापौरांनी यासंदर्भात घोषणा केलेली आहे.

या करारानूसार पॅरिस शहराला २०२४ सालच्या ऑलिम्पीक खेळांचं यजमानपद मिळालं आहे. २०१६ साली ब्राझीलच्या रिओ दी जनेरो या शहरात झालेल्या ऑलिम्पीकनंतर आगामी ऑलिम्पिक खेळांचा मान जपानच्या टोकीयो शहराला मिळाला आहे. यानंतर आगामी दोन ऑलिम्पिक खेळांचं यजमानपद कोणत्या शहराला मिळणारं याची सर्वांमध्येच उत्सुकता होती, त्यावर अखेर आज पडदा पडलेला आहे.

आगामी ऑलिम्पिक खेळांच्या तयारीसाठी दोन्ही शहरांना आंतराष्ट्रीय ऑलिम्पिक समिती १.८ दशलक्ष डॉलरचा निधी देणार आहे. या निधीमध्ये आगामी काळात गरजेनूसार २ दशलक्ष डॉलरची वाढही केली जाऊ शकते. दोन्ही शहरांच्या महापौरांनी यावेळी आंतराष्ट्रीय ऑलिम्पिक समितीचे प्रमुख थॉमस बाख यांचे आभार मानले. याआधीही पॅरिस शहराने ऑलिम्पिक खेळांचं यजमानपद मिळवण्याचा प्रयत्न केला, मात्र सलग ३ वेळा त्यांना यामध्ये अपयश आलं. त्यामुळे मोठ्या प्रयत्नानंतर मिळालेलं हे यजमानपद आपल्यासाठी महत्वाचं असल्याचं मत पॅरिसच्या महापौरांनी व्यक्त केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 1, 2017 6:10 pm

Web Title: los angeles will host 2028 olympic games paris will host 2024 olympic games
टॅग : Olympic
Next Stories
1 आयसीसीच्या कसोटी क्रमवारीत ‘सर जाडेजां’चाच बोलबाला
2 Pro Kabaddi Season 5 – ९३ लाखांची बोली लावलेला खेळाडू आजही करतो शेतात काम
3 Exclusive : निलेश और बाजीराव की पकड पर संदेह नही करते!
Just Now!
X