25 February 2021

News Flash

IND vs WI : प्रत्येक पदार्पणात शतक ठोकणारा पृथ्वी शॉ ठरला पहिला खेळाडू

विंडीजविरुद्ध सुरु असलेल्या कसोटी सामन्यात मुंबईच्या पृथ्वी शॉने पदार्पणात पहिले कसोटी शतक झळकावले.

पृथ्वी शॉ

विंडीजविरुद्ध सुरु असलेल्या कसोटी सामन्यात मुंबईच्या पृथ्वी शॉने पदार्पणात पहिले कसोटी शतक झळकावले आहे. वेस्ट इंडिजविरुद्धच्या कसोटी सामन्यात त्याला भारताच्या वरिष्ठ संघातून पदार्पण करण्याची संधी मिळाली आणि त्याने त्या संधीचे सोने केले. या शतकाबरोबर त्याने अनेक दिग्गजांना मागे टाकले. पण महत्वाचे म्हणजे याआधी देशांतर्गत स्पर्धांमध्ये प्रतिष्ठेच्या मानल्या जाणाऱ्या दुलीप आणि रणजी करंडक स्पर्धेतही त्याने पदार्पणातच्या सामन्यात शतक झळकावले होते. दुलिप, रणजी आणि कसोटी पदार्पणात शतक करणारा पृथ्वी हा पहिलाच खेळाडू ठरला आहे.

पृथ्वीने २०१७ साली रणजी करंडक स्पर्धेत तामिळनाडूविरुद्धच्या सामन्यातून स्पर्धेत पदार्पण केले होते. हा सामना उपांत्य फेरीचा सामना होता. या सामन्यात पदार्पणातच त्याने शतकी खेळी साकारली होती. राजकोट येथे झालेल्या या सामन्यात त्याने मुंबईकडून खेळताना १२० धावा केल्या होत्या. पण दुसऱ्या डावात मात्र त्याला फारशी छाप पाडता आली नव्हती. त्यानंतर २०१७ मध्ये दुलीप चषक स्पर्धेतही त्याने पहिल्याच सामन्यात शतक झळकावले होते. या शतकासह त्याने सचिन तेंडुलकरच्या विक्रमाशी बरोबरी केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 4, 2018 6:15 pm

Web Title: prithvi shaw is the first player to score century on debut
Next Stories
1 RIP GRANDMA : …म्हणून वेस्ट इंडिजच्या खेळाडूंनी बांधल्या काळ्या पट्ट्या
2 Ind vs WI : एक शतकी खेळी आणि ९ विक्रमांची नोंद, राजकोटमध्ये पृथ्वी शॉ चमकला
3 IND vs WI : सचिननंतर पृथ्वी शॉने केला ‘हा’ पराक्रम
Just Now!
X