Video: मुंबईत सचिन तेंडुलकर रस्ता चुकल्यावर जेव्हा रिक्षाचालक सांगतो, “मला फॉलो करा…”

सचिनने आपल्या फेसबुकवर एक व्हिडीओ शेअर केला आहे. सचिनच्या आपल्या आलिशान अशा कारमधून घरी परतत असतानाचा हा व्हिडीओ आहे. सचिन कांदिवलीहून बांद्र्याला त्याच्या घरी परतत असताना तो रस्ता चुकला. त्याला काहीच कळेना. विविध ठिकाणी कामं सुरू असल्याचे काही मार्ग वन-वे केले होते. त्यामुळे गाडीतील नकाशाचीही मदत त्याला घेता येत नव्हती. अशा वेळी मुंबईकर रिक्षा चालकाने त्याची मदत केली. मंगेश फडतरे या रिक्षा चालकाने सचिनला आपल्या रिक्षाला फॉलो करण्यास सांगितलं. सचिनने त्या रिक्षा चालकाची आपुलकीने चौकशी केली. तसेच, सचिनची कार मूळ रस्त्याला आल्यानंतकर सचिनने रिक्षा चालकाला एक सेल्फीही काढू दिला.

सचिनने हा व्हिडीओ आपल्या फेसबुक पेजवर शेअर केला असून त्यात हा किस्सी जानेवारी २०२०चा असल्याचं नमूद केलं आहे.