करोनाच्या प्रादुर्भावामुळे सध्या जगभरातील महत्वाच्या क्रीडा स्पर्धा रद्द करण्यात आल्या आहेत. पाकिस्तान क्रिकेट बोर्डाने आपल्या पाकिस्तान सुपर लिग स्पर्धेचे उपांत्य आणि अंतिम सामने अनिश्चीत काळासाठी पुढे ढकलले आहेत. पाकिस्तानचा क्रिकेटपटू आणि भारतीय टेनिसपटू सानिया मिर्झाचा पती शोएब मलिक हा पेशावर झमली या संघाकडून खेळतो. पेशावर झलमी संघाने शोएब मलिकचा फोटो पोस्ट करत, चाहत्यांना एका शब्दांत वर्णन करायला सांगितलं.

यावर अनेक चाहत्यांनी आपापल्या पद्धतीने प्रतिक्रीया दिली. सानिया मिर्झाने यावेळी योग्य संधी साधत, शोएबच्या फोटोवर हँडसम अशी कमेंट केली आहे.

करोनामुळे पाकिस्तानमध्येही सध्या चिंतेचं वातावरण आहे. पंतप्रधान इम्रान खान यांनी, बहुतांश जनता रोजंदारीवर जगत असल्यामुळे लॉक डाऊन करणं शक्य नसल्याचं म्हटलंय. क्रिकेटपटू शाहिद आफ्रिदीनेही आपल्या नजिकच्या परिसरातील लोकांना मोफत अन्नधान्य देत आपलं सामाजिक भान जपण्याचा प्रयत्न केला आहे.