भारताच्या सौरभ वर्मा याने जपानच्या मिनोरू कोगा याला सहज हरवत व्हिएतनाम खुल्या ‘बीडब्ल्यूएफ टूर सुपर १००’ बॅडमिंटन स्पर्धेच्या पुरुष एकेरीची अंतिम फेरी गाठली आहे. गेल्या महिन्यात हैदराबाद खुली स्पर्धा जिंकणाऱ्या दुसऱ्या मानांकित सौरभने जागतिक क्रमवारीत ११२व्या स्थानी असलेल्या मिनोरू याचे आव्हान ५१ मिनिटे रंगलेल्या उपांत्य फेरीत २२-२०, २१-१५ असे परतवून लावले. सौरभने मिनोरूला हरवत या वर्षी स्लोव्हेनियन आंतरराष्ट्रीय स्पर्धा जिंकली होती. अंतिम फेरीत सौरभला चीनच्या सन फेई झियांग याच्याशी लढत द्यावी लागेल.
