30 September 2020

News Flash

सॅम भुल्लर एनबीए लीगमध्ये खेळणार

बास्केटबॉल विश्वातील जगप्रसिद्ध एनबीए लीगमध्ये सॅक्रामेंटो किंग्स संघासाठी भारतीय वंशाचा सॅम भुल्लर नियमितपणे खेळणार आहे.

| April 3, 2015 04:13 am

बास्केटबॉल विश्वातील जगप्रसिद्ध एनबीए लीगमध्ये  सॅक्रामेंटो किंग्स संघासाठी भारतीय वंशाचा सॅम भुल्लर नियमितपणे खेळणार आहे. वर्षभरापूर्वी सॅमला सॅक्रामेंटोने आपल्या ताफ्यात समाविष्ट करून घेतले होते. मात्र आता सॅक्रामेंटोने सॅमशी दहा दिवसांचा करार केला असून, त्यांची लढत न्यू ऑरलिन्स पेलिकन्स संघाशी होणार आहे. या स्पर्धेत खेळणारा सॅम भारतीय वंशाचा पहिला खेळाडू ठरणार आहे.
७ फूट ५ इंच अशी निसर्गदत्त उंचीची देणगी लाभलेला सॅम कॅनडास्थित आहे. सॅमचा जन्म होण्यापूर्वीच त्याच्या पालकांनी भारतातून कॅनडाला स्थलांतरित होण्याचा निर्णय घेतला.
सॅक्रामेंटो संघाचे भारतीय वंशाचे मालक विवेक रणदिवे यांनी सॅमला टोरंटोहून कॅलिफोर्नियाला आणले. सॅम पूर्वी नेवाडास्थित रेना बिर्गोन्स संघासाठी खेळत असे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 3, 2015 4:13 am

Web Title: sim bhullar to play in nba league
Next Stories
1 माफी न मागितल्याने कमाल यांची पुरस्कार सोहळ्यातून हकालपट्टी
2 सेरेनाचा कारकीर्दीतील सातशेवा विक्रमी विजय
3 दक्षिण रेल्वे, ओएनजीसीला जेतेपद फेडरेशन बास्केटबॉल स्पर्धा
Just Now!
X