क्रिकेटच्या मैदानावर धावांचा पाऊस पाडणाऱ्या भारतीय क्रिकेट संघाचा कर्णधार विराट कोहलीच्या शिरपेचात आणखी एक मानाचा तुरा खोवला जाणार आहे. मादाम तुसाँ संग्रहालयात विराट कोहलीच्या मेणाच्या पुतळ्याचं आज अनावरण केलं जाणार आहे. राजधानी दिल्लीत आज हा सोहळा रंगेल. याचसोबत विराट कोहलीला लिओनेल मेस्सी, कपिल देव आणि उसेन बोल्ट यांसारख्या दिग्गज खेळाडूंच्या पंक्तीत स्थान मिळणार आहे. "मादाम तुसाँ सारख्या संग्रहालयात माझा मेणाचा पुतळा उभारला जाणं ही माझ्यासाठी मानाची गोष्ट आहे. यासाठी मी मादात तुसाँचा आयुष्यभर ऋणी राहीन. हा अनुभव माझ्यासाठी आयुष्यभर स्मरणात राहिलं, यावर माझे चाहते काय प्रतिक्रीया देतात हे मला पहायचं आहे." विराट कोहलीने आपलं मत व्यक्त केलं आहे.
