दोहा : अडथळा शर्यतीतील धावपटू निया अली हिने जागतिक अॅथलेटिक्स अजिंक्यपद स्पर्धेत अमेरिकेला अखेरचे सुवर्णपदक मिळवून दिले. अखेरच्या दिवशी अमेरिकेने तीन सुवर्णपदकांची कमाई केली. अमेरिकेने १४ सुवर्ण, ११ रौप्य व चार कांस्यपदकांसह पदकतालिकेत अव्वल स्थान पटकावले. नियाने विश्वविक्रमवीर केनी हॅरिसनला मात देत १२.४३ सेकंदांसह सुवर्णपदक जिंकले. ४ बाय ४०० मीटर रिले शर्यतीत अमेरिकेच्या पुरुष आणि महिला संघाने सुवर्णपदक पटकावले. फ्रेड केरले, मायकेल चेरी, विल लंडन आणि राय बेंजामिन यांच्या पुरुष संघाने २.२६.६९ सेकंद अशी वेळ देत सुवर्णपदकावर नाव कोरले. फिलिस फ्रान्सिस, सिडनी मॅकलाफलिन, डलिया मुहम्मद व व्ॉडलिन जोनाथस यांच्या अमेरिका महिला संघाने ३.१८.९२ सेकंदांसह अग्रस्थान प्राप्त केले.
