AB de Villiers Statement on Yuzvendra Chahal: या आठवड्याच्या सुरुवातीला सोमवारी बीसीसीआयने आगामी आशिया चषक २०२३ स्पर्धेसाठी १७ सदस्यीय संघाची घोषणा केली. पुढील आठवड्यात पाकिस्तान आणि श्रीलंकेत ही स्पर्धा सुरू होणार आहे. आशिया चषकासाठी टीम इंडियाची घोषणा पत्रकार परिषदेद्वारे करण्यात आली, ज्यामध्ये भारताचा कर्णधार रोहित शर्मा आणि बीसीसीआयचे मुख्य निवडकर्ता अजित आगरकर उपस्थित होते. यावेळी त्याने विश्वचषक संघ आशिया चषकासाठी निवडलेल्या संघासारखाच असेल असे संकेत दिले. केएल राहुल आणि श्रेयस अय्यरचा संघात समावेश केल्याने चाहते आणि संघ व्यवस्थापनाला दिलासा मिळाला आहे. दुखापतीमुळे संघाबाहेर असणाऱ्या या दोन्ही खेळाडूंच्या आगमनामुळे भारतीय संघाची मधली फळी चांगलीच बळकट झाली आहे. आगरकरने असेही सांगितले की अय्यर तंदुरुस्त आहे, तर केएल राहुलला आशिया चषकाच्या पहिल्या काही सामन्यांसाठी बाहेर राहू शकतो. मात्र, संघ निवडीदरम्यान निवडकर्त्यांनी काही आश्चर्यकारक निर्णय घेत लेगस्पिनर युजवेंद्र चहलला संघातून वगळले. यानंतर चहलला वगळण्याच्या निर्णयावर प्रश्न उपस्थित केले जात आहेत. त्याचवेळी व्यवस्थापनाने कुलदीप यादवला त्याच्या जागी पहिल्या संघात ठेवले. आता दक्षिण आफ्रिकेचा माजी दिग्गज एबी डिव्हिलियर्सने चहलला संघातून वगळण्याच्या निर्णयावर मोठे वक्तव्य केले आहे. हेही वाचा - The Hundred: सदर्न ब्रेव्हजविरुद्ध जोस बटलरने केला कहर! वादळी खेळीच्या जोरावर मँचेस्टर ओरिजिनल्सला पोहोचवले अंतिम फेरीत आशिया चषक संघातून युजवेंद्र चहलला वगळल्याने एबी डिव्हिलियर्स निराश - दक्षिण आफ्रिकेचा माजी कर्णधार, जो त्याच्या आयपीएल कार्यकाळात रॉयल चॅलेंजर्स बंगलोरचा भाग होता, त्याने त्यावेळी चहलसोबत ड्रेसिंग रूम शेअर केली होती. आशिया कपसाठी चहलला संघात स्थान न मिळणे निराशाजनक असल्याचे तो म्हणाला. एबी डिव्हिलियर्सने त्याच्या अधिकृत यूट्यूब चॅनेलवर सांगितले की, "चहलला वगळण्यात आले आहे, निवडकर्त्यांनी त्यांचे इरादे स्पष्ट केले आहेत की ते कोणाची निवड करतील. माझ्यासाठी हे थोडे निराशाजनक आहे, युजी नेहमीच खूप उपयुक्त आहे आणि तुमच्या संघात लेग स्पिनिंगचा पर्याय असणे खूप छान आहे. तो किती कुशल आहे हे आम्हाला माहीत आहे.” हेही वाचा - Asian Games स्पर्धेसाठी VVS Laxman सांभाळणार भारतीय पुरुष संघाची धुरा, तर ऋषिकेश कानिटकरकडे महिला संघाची जबाबदारी मागील काही कालावधीमध्ये एकदिवसीय फॉर्मेटमध्ये युजवेंद्र चहलची कामगिरी काही खास राहिलेली नाही. नुकत्यात वेस्ट इंडिजविरुद्ध पार पडलेल्या मालिकेत त्याला एकही सामना खेळायला मिळाला नव्हता. टी-२० मध्ये, चहलने दोन सामन्यांमध्ये ९.०५ च्या महागड्या इकॉनॉमी रेटने पाच विकेट घेतल्या.
