Asia Cup 2023: “त्यांच्या डोक्‍यावर परिणाम…” आशिया चषक युरोपात करू इच्छिणाऱ्या नजम सेठींवर रमीझ राजा भडकले

माजी पीसीबी प्रमुख रमीझ राजा म्हणाले, “इंग्लंडमध्ये आशिया चषक खेळवणे हे ऐकून तर भल्याभल्यांना झीट येईल, पीसीबी अध्यक्षांचे म्हणणे ऐकून मला खूप हसू तर आलेच पण त्यांची कीव करावीशी वाटते. नजम सेठी यांच्या डोक्यावर परिणाम झाला आहे की काय असे वाटते. त्यांची मानसिक स्थिती काय आहे हे एकदा जाणून घेतले पाहिजे.” इतक्या कठोर शब्दात त्यांनी नजम सेठींवर टीका केली.

आणखी वाचा

भारतविरोधी भूमिका घेणारे मालदीवचे राष्ट्राध्यक्ष भारत दौर्‍यावर; या दौर्‍यामागील त्यांचा उद्देश काय?

अंकिताचा ‘कोकण हार्टेड बॉय’ कोण आहे? कोकणात करणार…

पाकिस्तानबरोबर द्विपक्षीय चर्चा नाही : जयशंकर

दहशतवादाचे परिणाम भोगावे लागतील! संयुक्त राष्ट्रांच्या आमसभेत भारताचे पाकिस्तानला सडेतोड उत्तर

अमेरिकेने भारताला ‘गिऱ्हाईक’ समजू नये…

वर्चस्व राखण्याचे भारताचे लक्ष्य! बांगलादेशविरुद्ध दुसरी कसोटी आजपासून; सलग १८व्या मालिका विजयासाठी प्रयत्नशील

कार्यकाळ संपल्याची नोटीस, धमक्यांची पत्रे, अतिरिक्त खर्च आणि बरेच काही! ‘आयओए’ बैठकीत अनेक वादग्रस्त मुद्द्यांवर चर्चा अपेक्षित

Indus Water Treaty : भारताची पाकिस्तानला ६४ वर्षांपूर्वीच्या ‘त्या’ कराराबाबत नोटीस; उत्तरादाखल पाकिस्तान म्हणतो, “भारतही…”

हेही वाचा: IPL2023: “गावसकर कधीच माझ्याशी बोलणार नाहीत जर मी…”, पृथ्वी-शुबमनबाबत वीरेंद्र सेहवागचे मोठे विधान

पाकिस्तानचे माजी क्रिकेटपटू रमीझ म्हणाले की, “आशिया चषकाचा मुख्य उद्देश, विशेषत: जेव्हा तो विश्वचषकापूर्वी आयोजित केला जातो तेव्हा संघांना उपखंडातील परिस्थितीशी जुळवून घेण्याची संधी देणे हा आहे.” माजी पीसीबीप्रमुखांनी त्यांच्या यूट्यूब चॅनेलवर सांगितले की, “मला राग आणणारे आणखी एक विधान म्हणजे अध्यक्षांनी पत्रकारांसमोर केलेली ही वायफळ बडबड हे आहे. त्यांना पाकिस्तानमधील करामुळे संयुक्त अरब अमिरातीमध्ये पाकिस्तान सुपर लीगचा नववा हंगाम आयोजित करायचा आहे.”

रमीझ राजा पुढे म्हणाले की, “आशिया चषकाची मूळ संकल्पनाच अशी होती की क्रिकेट फक्त युरोप, इंग्लंड किंवा ऑस्ट्रेलियामध्ये खेळला जात नाही तर तो इतर ठिकाणी खासकरून आशिया खंडातदेखील खेळला जातो. पूर्वी वर्ल्ड कपचे आयोजन हे फक्त इंग्लंडमध्ये होत असे. म्हणूनच या धर्तीवर आशियाई क्रिकेट कौन्सिलची स्थापना झाली. हे महाशय मात्र त्याच देशात आशिया चषक आयोजित करू इच्छितात त्यांनी थोडा इतिहास वाचावा.” असा सल्ला रमीझ राजांनी नजम सेठींना दिला आहे.

हेही वाचा: IND vs PAK: भारतासोबत द्विपक्षीय मालिका खेळण्यासाठी पीसीबी उतावीळ, BCCIने दिले सडेतोड उत्तर म्हणाले, “परदेशातच काय पाकिस्तानात…”

रमीझ राजा पुढे म्हणाले, “एकीकडे तुम्ही (नजम सेठी) आशिया चषकाबाबत पाकिस्तान क्रिकेटसाठी सुरक्षित असल्याचे सांगत आहात, पण दुसरीकडे पीएसएल पाकिस्तानमध्ये होऊ नये असे तुम्ही म्हणता. याचा अर्थ काय?” राजा पुढे बोलताना म्हणाले, “पीएसएल पाकिस्तानमध्ये परत आणण्यासाठी आणि जगाला दाखवून देण्यासाठी आम्हाला बरीच वर्षे लागली की पाकिस्तान अखेर आंतरराष्ट्रीय क्रिकेटचे आयोजन करण्यास सक्षम आहे, परंतु तुम्हाला ते संपवायचे आहे. हेच पाकिस्तानचे मोठे दुर्दैव आहे.”