ऑस्ट्रेलियाने अखेरच्या कसोटीत इंग्लंडचा पराभव करत अ‍ॅशेस मालिका ५-० अशी जिंकत इंग्लंडला व्हाईटवॉश दिला आहे. पाचव्या कसोटीच्या तिस-याच दिवशी ऑस्ट्रेलियाच्या भेदक गोलंदाजीसमोर इंग्लंडच्या फलंदाजांनी अक्षरश लोटांगण घातले आणि सामन्याच्या तिस-याच दिवशी ऑस्ट्रेलियाने २८१ धावांनी विजय मिळवला.
ऑस्ट्रेलियाने इंग्लंडसमोर जिंकण्यासाठी ४४८ धावांचे आव्हान ठेवले होते. मात्र ऑस्ट्रेलियाच्या गोलंदाजांसमोर इंग्लंडच्या फलंदाजांनी अक्षरश: नांगी टाकल्याने इंग्लंडचा डाव अवघ्या १६६ धावांत संपुष्टात आला आणि पाच सामन्यांच्या मालिकेतील अखेरचा सामनाही जिंकत ऑस्ट्रेलियाने इंग्लंडला ‘व्हाईटवॉश’ दिला. ऑस्ट्रेलियातर्फे हॅरिसनने ५, जॉन्सनने ३ व लियॉनने २ बळी टिपले. हॅरिसला मॅन ऑफ दि मॅच तर जॉन्सनला मॅन ऑफ दि सीरिजचा खिताब देण्यात आला.