बांगलादेश प्रीमिअर लीग ट्वेन्टी-२० स्पर्धेदरम्यान पंचांना शिवीगाळ केल्याप्रकरणी अष्टपैलू शकीब अल हसनवर एका सामन्याची बंदी घालण्यात आली आहे. याआधीही अनेकदा शकीबला शिस्तभंगाच्या कारवाईला सामोरे जावे लागले. सिल्हेट सुपरस्टार्स संघाच्या दिलशान मुनावीराला बाद केल्यानंतर शकीबने पंचांना उद्देशून आक्षेपार्ह भाषेचा वापर करत हातवारे केले. एका सामन्याच्या बंदीसह शकीबवर २५० डॉलर्स रकमेचा दंड ठोठावण्यात आला आहे.
