Asia Cup 2022 : आशिया चषकात आज ‘ब’ गटात बांगलादेश विरुद्ध अफगाणिस्तान यांच्यात सामना होणार आहे. भारतीय प्रमाण वेळेनुसार संध्याकाळी ७.३० वाजता शारजहा येथे हा सामना खेळवण्यात येईल.
मोहम्मद नबीच्या नेतृत्वाखालील अफगाणिस्तान संघाने पहिल्या सामन्यात श्रीलंकेला पराभूत केल्यानंतर त्यांचा आत्मविश्वास वाढला आहे. बांग्लादेशला पराभूत करत अफगाणिस्तान सुपर ४ मध्ये आपली जागा पक्की करण्याचा प्रयत्नात असणार आहे. अफगाणिस्तानचा नेट रन रेट सध्या चांगला आहे. त्यामुळे त्यांचा सुपर ४ मध्ये जाण्याचे जवळपास निश्चित आहे.
दुसरीकडे बांगलादेश आशिया चषकात आपला पहिला सामना खेळणार आहे. कर्णधार शकिब अल हसनच्या नेतृत्वाखाली बांगलादेश संघ पहिला सामना जिंकून विजयी सलामी देण्याचा प्रयत्न करेल. गेल्या काही दिवसांत बांगलादेशला पाकिस्तान, वेस्ट-इंडिज आणि झिंम्बाबे बरोबर झालेल्या सिरीजमध्ये हार पत्करावी लागली होती. त्यामुळे हा सामना जिंकण्याचा आणि आशिया चषकात विजयी सलामी देण्याचा ते प्रतत्न करणार आहे.
बांगलादेश संघ ( अंदाजे प्लेइंग ११ ) –
सब्बीर रहमान, मोहम्मद नईम, महमुदुल्लाह, अफिफ हुसैन, शाकिब अल हसन (क), मुशफिकुर रहीम (विकेटकीपर), महेदी हसन, मुस्तफिजुर रहमान, तस्किन अहमद, नसुम अहमद, मोहम्मद सैफुद्दीन
अफगाणिस्तान संघ ( अंदाजे प्लेइंग ११ ) –
हजरतुल्ला झाझाई, रहमानउल्ला गुरबाज (wk), इब्राहिम झद्रान, करीम जनात, नजीबुल्ला झद्रान, मोहम्मद नबी (c), रशीद खान, अजमातुल्ला उमरझाई, नवीन-उल-हक, मुजीब उर रहमान, फझलहक फारुकी
